ព័ត៌មានអន្ដរជាតិ

លោកស្រី Pelosi ទៅដល់ ជប៉ុន ពិភាក្សាលើភាពតានតឹង ចិន-អាមេរិក

បានផុស

៣ years មុន

នៅ

ថ្ងៃសុក្រ ៥ សីហា ២០២២

ដោយ

ប្រធានសភាអាមេរិកលោកស្រី Nancy Pelosi បានទៅដល់ប្រទេសជប៉ុន និងជួបជាមួយលោកនាយករដ្ឋមន្ត្រី Kishida Fumio នៅទីក្រុងតូក្យូ សម្រាប់ជើងហោះហើរចុងក្រោយនៃការធ្វើដំណើរដ៏ចម្រូងចម្រាសរបស់លោកស្រីទៅកាន់តំបន់អាស៊ី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយបានថតរូបពីអ្នកសារព័ត៌មាននៅការិយាល័យនាយករដ្ឋមន្ត្រីនៅព្រឹកថ្ងៃសុក្រនេះហើយ លោកស្រី Pelosi បានជួបពិភាក្សាជាមួយលោក Kishida ដោយផ្តោតលើភាពតានតឹងកាន់តែខ្លាំងឡើងរវាងចិន និងអាមេរិក ។

ទន្ទឹមនោះ អ្នកទាំងពីរត្រូវបានគេរំពឹងថា ក៏នឹងពិភាក្សាអំពីស្ថានភាពតៃវ៉ាន់ រួមជាមួយនឹងសមត្ថភាពទប់ស្កាត់រួមគ្នារបស់អាមេរិក-ជប៉ុន ក៏ដូចជាយុទ្ធសាស្ត្រឥណ្ឌូប៉ាស៊ីហ្វិកសេរី និងបើកចំហជាដើម ខណៈសង្គ្រាមលុកលុយរបស់រុស្ស៊ីលើអ៊ុយក្រែនក៏អាចដាក់នៅក្នុងរបៀបវារៈរបស់ពួកគេផងដែរ ។

ក្នុងសប្តាហ៍នេះ លោកស្រី Pelosi បានក្លាយជាប្រធានសភាអាមេរិកដំបូងគេដែលទៅបំពេញទស្សនកិច្ចនៅកោះតៃវ៉ាន់ក្នុងរយៈពេល ២៥ ឆ្នាំ ។

អ្នកនយោបាយជើងចាស់រូបនេះក៏បានជួបពិភាក្សាជាមួយប្រធានាធិបតីតៃវ៉ាន់លោកស្រី Tsai Ing-wen និងសមាជិកសភាតៃវ៉ាន់ផងដែរកាលពីថ្ងៃពុធ ខណៈដំណើរទស្សនកិច្ចនេះក៏បានបញ្ឆេះកំហឹងពីប្រទេសចិនដែលអះអាងថា តៃវ៉ាន់ជាផ្នែកមួយនៃទឹកដីខ្លួន ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ មកដឹងទំហំទឹកប្រាក់ពាណិជ្ជកម្ម ចិន-តៃវ៉ាន់ មុនការមកដល់របស់លោកស្រី Pelosi