ព័ត៌មានអន្ដរជាតិ

រកឃើញត្រីឆ្លាមទឹកជ្រៅអាកទិកមួយក្បាល នៅសមុទ្រ ការ៉ាប៊ីន

បានផុស

២ years មុន

នៅ

ថ្ងៃសុក្រ ៥ សីហា ២០២២

ដោយ

ត្រីឆ្លាមប្រភេទនេះ គេស្គាល់ថាជា ត្រីឆ្លាម Greenland ពួកវារស់នៅតំបន់ត្រជាក់ខ្លាំង ដូចជាអាកទិកជាដើម។ ប៉ុន្តែអ្វីដែលគួរឲ្យភ្ញាក់ផ្អើលនោះគឺ គេប្រទះឃើញវាកាលពីខែកក្កដានៅសមុទ្រការ៉ាប៊ីន ដែលជាទឹកសមុទ្រមានសីតុណ្ហភាពជាមធ្យម ២៧ អង្សាសេ បើគិតពីចម្ងាយដែលត្រីឆ្លាមអាកទិក បានធ្វើដំណើរវិញ គឺប្រហែលជារាប់ពាន់ម៉ាយឯណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងរយៈពេលប៉ុន្មានទសវត្សរ៍កន្លងមកនេះ អ្នកវិទ្យាសាស្ត្ររកឃើញថាត្រីឆ្លាមបុរាណអាកទិក អាចរស់នៅរហូតដល់ ៤០០ឆ្នាំ ហើយវាភាគច្រើនពិការភ្នែកដោយសារតែមានសត្វល្អិតប៉ារ៉ាស៊ីតជាអ្នកធ្វើឲ្យខូចកែវភ្នែក។ ខណៈពេលដែលត្រីឆ្លាមខាងលើនេះស៊ីត្រី និងមឹកជាអាហារចម្បង អ្នកស្រាវជ្រាវក៏បានឲ្យដឹងថា វាស៊ីទាំងសាកសពថនិកសត្វដូចជាសេះ រមាំង និងខ្លាឃ្មុំទឹកកកទៀតផង។ ចំណែកឯទំហំរបស់ត្រីឆ្លាម Greenland មើលទៅអាចនឹងមានប្រវែងប្រហែល ៧ម៉ែត្រ និង ១,៥តោន មានន័យថា ពួកវាមានសមត្ថភាពបង្កគ្រោះថ្នាក់ដល់មនុស្សដូចគ្នា។

សូមបញ្ជាក់ដែរថា ត្រីឆ្លាមទឹកជ្រៅអាកទិកមួយក្បាលដែលគេប្រទះឃើញនោះគឺចាប់បានដោយក្រុមអ្នកនេសាទបេលីស្ស៊ាន (Belizean) អំឡុងពេលពួកគេកំពុងប្រមាញ់ត្រីឆ្លាមខ្លា ដើម្បីដាក់ស្លាកសម្រាប់តាមដានមិនមែនជាការប្រមាញ់សម្លាប់ឡើយ៕

ប្រែសម្រួល៖ វារី

ប្រភព៖ National

ចុចអាន៖ទិដ្ឋភាព ៧ យ៉ាង មនុស្សជិតស្លាប់ហើយរស់ឡើងវិញ តែងជួបប្រទះ

ចុចអាន៖លក្ខណៈពិសេស ១០ ចំណុច របស់ខ្យាដំរី សត្វមានពិសសាហាវ