ចិន ប្រកាសដាក់ទណ្ឌកម្មលោកស្រី Pelosi និងគ្រួសារ

ក្រសួងការបរទេសចិនបានប្រកាសថា ខ្លួននឹងដាក់ទណ្ឌកម្មប្រឆាំងប្រធានសភាអាមេរិក លោកស្រី Nancy Pelosi ព្រមទាំងសាច់ញាតិគ្រួសារផ្ទាល់របស់គាត់ បន្ទាប់ពីលោកស្រី ធ្វើដំណើរទៅកាន់កោះតៃវ៉ាន់ក្នុងសប្តាហ៍នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងនិយាយថា ដំណើររបស់លោកស្រី Pelosi ទៅកាន់កោះតៃវ៉ាន់ គឺជាការរំលោភយ៉ាងធ្ងន់ធ្ងរលើអធិបតេយ្យភាព និងបូរណភាពទឹកដីរបស់ប្រទេសចិន និងជាការរំលោភយ៉ាងធ្ងន់ធ្ងរលើគោលការណ៍ចិនតែមួយ។

ទោះបីជាយ៉ាងណាក៏ដោយ ភ្លាមៗនេះ ចិនមិនបានបញ្ជាក់ទេថាតើ ទណ្ឌកម្មអ្វីខ្លះដែលខ្លួននឹងដាក់ប្រឆាំងលោកស្រី Pelosi។

គួរបញ្ជាក់ជាថ្មីថា លោកស្រី Pelosi បានទៅដល់កោះតៃវ៉ាន់កាលពីយប់ថ្ងៃអង្គារទី០២ខែសីហា ហើយបានជួបជាមួយមន្ត្រីនានារួមទាំងលោកស្រីប្រធានាធិបតីតៃវ៉ាន់ Tsai Ing-wen ផងដែរ មុនពេលចាកចេញនៅរសៀលថ្ងៃពុធ។ ​ដំណើរ​នេះ ​គឺ​ជា​ការ​ឈប់សំចត អំឡុង​ដំណើរទស្សនកិច្ចអាស៊ី ហើយ​បាន​បណ្តាលឲ្យ​ទីក្រុង​ប៉េកាំង ខឹងសម្បាយ៉ាងខ្លាំង៕

ប្រែសម្រួល៖ Vann Vann

ប្រភព៖ SCMP

ចុចអាន៖ អាមេរិក ប្រកាសធ្វើសកម្មភាពយោធា ក្បែរកោះ តៃវ៉ាន់