ព័ត៌មានអន្ដរជាតិ
តៃវ៉ាន់ ថា សមយុទ្ធរបស់ចិន គឺជាផ្នែកមួយនៃផែនការយុទ្ធសាស្រ្ត សម្រាប់ការលុកលុយ (មានវីដេអូ)
រដ្ឋមន្ត្រីការបរទេសតៃវ៉ាន់បាននិយាយនៅថ្ងៃអង្គារទី០៩ខែសីហានេះថា ប្រទេសចិនកំពុងប្រើសមយុទ្ធយោធា ដែលខ្លួនចាប់ផ្តើមដើម្បីតវ៉ាប្រឆាំងនឹងដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi ធ្វើជាផែនការយុទ្ធសាស្រ្តដើម្បីរៀបចំសម្រាប់ការលុកលុយដែនកោះដែលគ្រប់គ្រងដោយខ្លួនឯងមួយនេះ។

លោក Joseph Wu បាននិយាយក្នុងសន្និសីទសារព័ត៌មានមួយនៅទីក្រុងតៃប៉ិថា តៃវ៉ាន់នឹងមិនភិតភ័យឡើយ បើទោះបីជាសមយុទ្ធរបស់ ចិនជាញឹកញាប់ បានបំពានលើខ្សែបន្ទាត់កណ្តាលមិនផ្លូវការនៅច្រកសមុទ្រតៃវ៉ាន់ក៏ដោយ។
យោងតាមលោក Wu, “ប្រទេសចិនបានប្រើសមយុទ្ធនៅក្នុងសៀវភៅល្បែងយោធារបស់ខ្លួន ដើម្បីរៀបចំសម្រាប់ការលុកលុយតៃវ៉ាន់។ ចិនកំពុងធ្វើសមយុទ្ធយោធាទ្រង់ទ្រាយធំ និងបាញ់មីស៊ីល ក៏ដូចជាការវាយប្រហារតាមអ៊ីនធឺណិត ការផ្សព្វផ្សាយព័ត៌មានមិនពិត និងការបង្ខិតបង្ខំសេដ្ឋកិច្ច ក្នុងការប៉ុនប៉ងធ្វើឲ្យតៃវ៉ាន់ចុះខ្សោយ ផងដែរ”។

លោក Wu និយាយថា “បន្ទាប់ពីសមយុទ្ធបានបញ្ចប់ ប្រទេសចិនអាចនឹងព្យាយាមធ្វើជាប្រចាំនូវសកម្មភាពរបស់ខ្លួន ក្នុងការប៉ុនប៉ងបំផ្លាញស្ថានភាពរដ្ឋរយៈពេលវែង នៅទូទាំងច្រកសមុទ្រតៃវ៉ាន់។ ទង្វើបែបនេះ បានគំរាមកំហែងដល់សន្តិសុខក្នុងតំបន់ និងបង្ហាញច្បាស់ៗនូវមហិច្ឆតាភូមិសាស្ត្ររបស់ប្រទេសចិន ហួសពីតៃវ៉ាន់”។
លើសពីនេះ លោក Wu បានជំរុញឲ្យមានការគាំទ្រជាអន្តរជាតិកាន់តែខ្លាំងឡើង ដើម្បីបញ្ឈប់ប្រទេសចិនពីការគ្រប់គ្រងច្រកសមុទ្រប្រកបដោយប្រសិទ្ធភាព។

ស្របពេលជាមួយគ្នានោះ មន្ត្រីមន្ទីរបញ្ចកោណបាននិយាយកាលពីថ្ងៃចន្ទថា ទីក្រុងវ៉ាស៊ីនតោនកំពុងប្រកាន់ខ្ជាប់នូវការវាយតម្លៃរបស់ខ្លួនថា ចិននឹងមិនព្យាយាមលុកលុយកោះតៃវ៉ាន់ក្នុងរយៈពេលពីរឆ្នាំខាងមុខនេះនោះទេ។
គួរបញ្ជាក់ថា តៃវ៉ាន់ក៏បានចាប់ផ្តើមធ្វើសមយុទ្ធដែលបានកំណត់ពេលជាយូរមកហើយផងដែរ នៅថ្ងៃអង្គារទី០៩ខែសីហានេះ ដោយបានបាញ់កាំភ្លើងធំ Howitzer ទៅសមុទ្រនៅក្នុងស្រុក Pingtung ភាគខាងត្បូង៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Reuters

-
សន្តិសុខសង្គម៣ ថ្ងៃ ago
ភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ព័ត៌មានជាតិ១ សប្តាហ៍ ago
កូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
ជីវិតកម្សាន្ដ៣ ថ្ងៃ ago
តារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
ជីវិតកម្សាន្ដ២ ថ្ងៃ ago
Model ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
សន្តិសុខសង្គម៦ ថ្ងៃ ago
Update៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានអន្ដរជាតិ១ ថ្ងៃ ago
ឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
សន្តិសុខសង្គម៦ ថ្ងៃ ago
Update ៖ ដឹងមូលហេតុ ដែលអគ្គិភ័យឆាបឆេះបណ្ដាលឱ្យក្មេងប្រុសស្រី២នាក់ស្លាប់
-
ចរាចរណ៍៣ ថ្ងៃ ago
បុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង