កូរ៉េខាងជើង ផ្ដល់ទាហាន ១០ ម៉ឺននាក់ឲ្យ រុស្ស៊ី ជួយកម្ចាត់ អ៊ុយក្រែន (មានវីដេអូ)

យោងតាមប្រព័ន្ធផ្សព្វផ្សាយរដ្ឋរុស្ស៊ីបានឲ្យដឹងថា ប្រទេសកូរ៉េខាងជើងបានបញ្ជូនកងទ័ពស្ម័គ្រចិត្តប្រមាណ ១០០,០០០ នាក់ទៅកាន់វិមានក្រឹមឡាំងដើម្បីជួយរុស្ស៊ីឆាប់យកឈ្នះសង្រ្គាមប្រឆាំងនឹងអ៊ុយក្រែន ។

លោក Igor Korotchenko បណ្ឌិតយោធារុស្ស៊ីបានប្រាប់សារព័ត៌មាន Channel One Russia ថា “ពិតជាមានរបាយការណ៍ពីអ្នកស្ម័គ្រចិត្តកូរ៉េខាងជើង ១០០,០០០ នាក់បានត្រៀមខ្លួនដើម្បីមកចូលរួមនៅក្នុងជម្លោះនេះប្រាកដមែន” ។

លោកបាននិយាយថា “ប្រសិនបើប្រទេសកូរ៉េខាងជើងបង្ហាញពីបំណងចង់បំពេញកាតព្វកិច្ចអន្តរជាតិរបស់ខ្លួនក្នុងការប្រយុទ្ធប្រឆាំងនឹងពួកហ្វាស៊ីនិយមអ៊ុយក្រែន យើងគួរតែអនុញ្ញាតឲ្យពួកគេបំពេញវា” ។

យោងតាមក្រុមប្រឹក្សាទំនាក់ទំនងបរទេសដែលមានមូលដ្ឋាននៅទីក្រុងញូវយ៉កបានឲ្យដឹងថា យោធារបស់ប្រទេសកូរ៉េខាងជើងគឺជាមហាអំណាចទី ៤ របស់ពិភពលោកដែលមានបុគ្គលិកសកម្មជិត ១.៣ លាននាក់ ខណៈ ៦០០,០០០ នាក់ទៀតបម្រើជាទាហានបម្រុង ។

ស្របពេលជាមួយគ្នានេះ ​កាសែត​កូរ៉េ​ខាង​ត្បូង Daily NK បានចុះផ្សាយដែរថា កូរ៉េ​ខាង​ជើង​ក៏កំពុងរៀបចំផែនការ​បញ្ជូន​កម្មករជាង ១,០០០ នាក់ទៅកាន់តំបន់ Donbas ភាគខាងកើតអ៊ុយក្រែនដើម្បីជួយរុស្ស៊ីក្នុងការកសាងប្រទេសនេះ បន្ទាប់ពីរុស្ស៊ីបញ្ចប់សង្គ្រាម និងយកឈ្នះលើអ៊ុយក្រែន ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Business Insider

ចុចអាន ៖ មេតំបន់មួយរបស់ អ៊ុយក្រែន ចង់ផ្ដាច់ខ្លួនចេញពីទីក្រុងកៀវ និងសុំចូលរួម ជាមួយ រុស្ស៊ី