ព័ត៌មានអន្ដរជាតិ
ខណៈករណីឆ្លងផ្ទុះខ្លាំង អ្នកខេត្ត សាមុត សាខន រារាំងអាជ្ញាធរមិនឲ្យបង្កើតមន្ទីរពេទ្យដាក់អ្នកជំងឺកូវីដ
អ្នកស្រុករាប់រយនាក់បានបង្ហាញមុខនៅបរិវេណសាកលវិទ្យាល័យកីឡាជាតិថៃក្នុងខេត្ត សាមុត សាខន កាលពីថ្ងៃព្រហស្បតិ៍ដើម្បីរារាំងកិច្ចប្រឹងប្រែងរបស់អាជ្ញាធរក្នុងការប្រែក្លាយបរិវេណសាលានេះធ្វើជាមន្ទីរពេទ្យសម្រាប់ដាក់អ្នកជំងឺកូវីដ ១៩ ។
ការឈ្លោះប្រកែកគ្នានេះពាក់ព័ន្ធនឹងមនុស្សប្រហែល ១ ម៉ឺននាក់រស់នៅក្បែរសាកលវិទ្យាល័យ ។ ពួកគេបាននិយាយថា ការដាក់អ្នកជំងឺកូវីដ ១៩ នៅកណ្តាលសហគមន៍នឹងមិនមានសុវត្ថិភាពនោះទេ ជាពិសេសប្រសិនបើអ្នកជំងឺរត់គេចខ្លួន ឬការថែទាំមិនបានល្អអំឡុងពេលធ្វើចត្តាឡីស័ក ។
ផ្ទុយទៅវិញអ្នកភូមិបាននិយាយថា អ្នកដែលឆ្លងគួរតែត្រូវបានដាក់នៅលើទូកនេសាទ ឬនៅជិតកន្លែងឆ្លងដូចជាផ្សារ Talay Thai ជាដើម ។
តំណាងអ្នកស្រុកម្នាក់នៅខេត្ត សាមុត សាខន បាននិយាយថា “អាជ្ញាធរខេត្ត សាមុត សាខន គួរតែរកដំណោះស្រាយប្រសើរជាងបញ្ហានេះ” ។
ស្របពេលជាមួយគ្នានេះអ្នកស្រុកក៏បានតវ៉ាប្រឆាំងនឹងផែនការបង្កើតមន្ទីរពេទ្យនៅក្បែរសួនទឹក Pantai Norasingh ដោយនិយាយថា អាជីវកម្មនៅជុំវិញតំបន់នេះនឹងរងផលប៉ះពាល់យ៉ាងធ្ងន់ធ្ងរប្រសិនបើយកទីតាំងនេះធ្វើជាមន្ទីរពេទ្យដាក់អ្នកជំងឺកូវីដ ១៩ ។
គួរបញ្ជាក់ថា គិតត្រឹមថ្ងៃពុធ មនុស្ស ១,២០២ នាក់បានធ្វើតេស្តវិជ្ជមានជំងឺកូវីដ ១៩ នៅខេត្ត សាមុត សាខន ហើយភាគច្រើនជាពលករចំណាកស្រុក ៕
ប្រែសម្រួលដោយ ៖ ជីវ័ន្ត
ប្រភព ៖ The Nation Thailand
ចុចអាន ៖ រដ្ឋមួយរបស់អាមេរិកមានករណីឆ្លងកូវីដលើស ២ លានករណី
ចុចអាន ៖ ទំនាយរបស់លោកយាយពិការភ្នែក Baba Vanga សម្រាប់ឆ្នាំ២០២១ ពិតជារន្ធត់
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)