កូរ៉េខាងជើង ប្រកាសយកឈ្នះលើកូវីដ ទោះលោក គីម ចេញរោគសញ្ញាគ្រុនក្តៅ

ប្រព័ន្ធផ្សព្វផ្សាយរដ្ឋ KCNA បានរាយការណ៍នៅថ្ងៃព្រហស្បតិ៍ទី១១ខែសីហានេះថា មេដឹកនាំកូរ៉េខាងជើង លោក គីម ជុងអ៊ុន បានប្រកាសជ័យជម្នះ លើការប្រយុទ្ធប្រឆាំងនឹងជំងឺកូវីដ១៩ ហើយបានបញ្ជាឲ្យដកវិធានការប្រឆាំងការរីករាលដាលកម្រិតអតិបរមា ដែលខ្លួនដាក់កាលពីខែឧសភា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសកូរ៉េខាងជើង មិនបានបង្ហាញពីតួលេខនៃការឆ្លងកូវីដពិតប្រាកដនោះទេ ប៉ុន្តែចាប់តាំងពីថ្ងៃទី២៩ខែកក្កដាមក រដ្ឋមួយនេះមិនបានរាយការណ៍ករណីសង្ស័យថ្មីឡើយ។

យោងតាម KCNA, អត្រាមរណភាពផ្លូវការរបស់កូរ៉េខាងជើង គឺមាន ៧៤នាក់ បើប្រៀបធៀបទៅនឹងប្រទេសដទៃទៀត។

ការ​ប្រកាស​ជ័យ​ជម្នះ​បាន​កើត​ឡើង បើ​ទោះ​បី​ជា កូរ៉េខាងជើង​មិនទាន់ត្រូវបានគេដឹងថា ​មាន​កម្មវិធី​វ៉ាក់សាំងក៏ដោយ​។ ផ្ទុយទៅវិញ ប្រទេសនេះនិយាយថា ខ្លួនពឹងផ្អែកលើការបិទខ្ទប់ ការព្យាបាលឱសថក្នុងស្រុក និងអ្វីដែលលោក គីម ហៅថា “ប្រព័ន្ធសង្គមនិយមបែបកូរ៉េដែលមានអត្ថប្រយោជន៍”។

លោកបានបញ្ជាឲ្យដកវិធានការប្រឆាំងការរាតត្បាតជាអតិបរមាទាំងអស់ ប៉ុន្តែនិយាយថា កូរ៉េខាងជើងត្រូវតែរក្សា របាំងដែកប្រឆាំងការរាតត្បាតដ៏រឹងមាំ និងពង្រឹងការងារប្រឆាំងការរីករាលដាលរហូតដល់ចុងបញ្ចប់នៃវិបត្តិសុខភាពពិភពលោក។

ទោះបីជាយ៉ាងណាក៏ដោយ ប្អូនស្រី លោកគីម និយាយថា មេដឹកនាំកូរ៉េខាងជើង មានចេញរោគសញ្ញាគ្រុនក្តៅ ហើយបានស្តីបន្ទោសខិត្តប័ណ្ណមកពីប្រទេសកូរ៉េខាងត្បូងដែលបណ្តាលឲ្យមានការផ្ទុះឡើងនៃជំងឺកូវីដ១៩៕

ប្រែសម្រួល៖ Vann Vann

ប្រភព៖ Reuters

ចុចអាន៖ កូរ៉េខាងជើង បន្ទោស “វត្ថុមកពីក្រៅប្រទេស” នៅជិតព្រំដែនកូរ៉េខាងត្បូង ចំពោះការផ្ទុះកូវីដ