ព័ត៌មានអន្ដរជាតិ
ចិន បញ្ចប់សមយុទ្ធយោធាគ្រប់ផ្នែកទាំងអស់ជុំវិញ តៃវ៉ាន់ យ៉ាងជោគជ័យ
ប្រទេសចិនបានប្រកាសបញ្ចប់សមយុទ្ធយោធាគ្រប់ផ្នែកទាំងអស់របស់ខ្លួននៅជុំវិញកោះតៃវ៉ាន់ ក្រោយចាប់ផ្តើមអនុវត្តទ្រង់ទ្រាយធំកាលពីសប្តាហ៍មុន បន្ទាប់ពីដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi ទៅកាន់កោះប្រជាធិបតេយ្យមួយនេះ ។

បញ្ជាការដ្ឋានយោធាជាន់ខ្ពស់ភាគខាងកើតរបស់ចិនដែលទទួលបន្ទុកនៅសមុទ្រចិនខាងកើតបានធ្វើសេចក្តីប្រកាសព័ត៌មានកាលពីថ្ងៃពុធថា ប្រតិបត្តិការយោធារួមរបស់ខ្លួនជាបន្តបន្ទាប់នៅក្នុងសមុទ្រ និងដែនអាកាសជុំវិញកោះតៃវ៉ាន់ បានបញ្ចប់ដោយជោគជ័យនូវកិច្ចការផ្សេងៗ ហើយក៏បានធ្វើតេស្តប្រកបដោយប្រសិទ្ធភាពនូវសមត្ថភាពប្រយុទ្ធរួមបញ្ចូលគ្នារបស់កងទ័ព ។
ទោះបីជាយ៉ាងណាក៏ដោយ បញ្ជាការដ្ឋានយោធាក៏នឹងនៅតែតាមដានយ៉ាងដិតដល់នូវការផ្លាស់ប្តូរស្ថានភាពនៅក្នុងច្រកសមុទ្រតៃវ៉ាន់ ហើយនឹងបន្តអនុវត្តការហ្វឹកហ្វឺន និងរៀបចំការល្បាតត្រៀមប្រយុទ្ធជាប្រចាំក្នុងទិសដៅនៃច្រកសមុទ្រ ក្នុងកិច្ចខិតខំប្រឹងប្រែងដើម្បីការពារអធិបតេយ្យភាពជាតិ និងបូរណភាពទឹកដី ។

ដំបូងឡើយយោធាចិនបានប្រកាសនឹងធ្វើសមយុទ្ធពីថ្ងៃព្រហស្បតិ៍ដល់ត្រឹមថ្ងៃអាទិត្យសប្ដាហ៍មុនប៉ុណ្ណោះ ប៉ុន្តែយោធាចិនបានបន្តរហូតដល់ថ្ងៃចន្ទ និងថ្ងៃអង្គារ ។
គួរបញ្ជាក់ថា ដំណើរទស្សនកិច្ចកាលពីសប្ដាហ៍មុនមកកាន់កោះតៃវ៉ាន់របស់លោកស្រី Pelosi បានទាក់ទាញការចាប់អារម្មណ៍យ៉ាងខ្លាំងលើសកលលោក ហើយក៏បង្កើនភាពតានតឹងកាន់តែខ្លាំងឡើងផងដែរ រវាងសហរដ្ឋអាមេរិក និងចិន ខណៈកាលពីពេលថ្មីៗនេះរដ្ឋាភិបាលទីក្រុងប៉េកាំងក៏បានដាក់ទណ្ឌកម្មលើលោកស្រី Pelosi និងក្រុមគ្រួសារ ដើម្បីឆ្លើយតបទៅនឹងដំណើរទស្សនកិច្ចនេះផងដែរ ៕

ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ លោកស្រី Pelosi ការពារដំណើរទស្សនកិច្ចទៅ តៃវ៉ាន់ ក្រោយសរសើរ ចិន ពេញៗមាត់

-
ព័ត៌មានអន្ដរជាតិ២៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២១ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?