FBI យកបានឯកសារសម្ងាត់បំផុត ក្នុងការឆែកឆេរផ្ទះលោក ត្រាំ

យោងតាមដីកាឆែកឆេរ, FBI យកបានសំណុំឯកសារចំនួន១១ ក្នុងការវាយឆ្មក់ផ្ទះនៅ Florida របស់អតីតប្រធានាធិបតីអាមេរិក ដូណាល់ ត្រាំ ក្នុងសប្តាហ៍នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឃ្លាំងសម្ងាត់នោះ រួមមានទាំងឯកសារ ដាក់សញ្ញាថា “TS/SCI” ដែលសម្គាល់ជាសម្ភារសម្ងាត់កំពូល ដែលអាចបណ្តាលឲ្យខូចខាតធ្ងន់ធ្ងរ ដល់សន្តិសុខជាតិរបស់សហរដ្ឋអាមេរិកផងដែរ។

ទោះបីជាយ៉ាងណាក៏ដោយ លោក ត្រាំ បានបដិសេធ​រាល់​ការ​ធ្វើ​ខុស។

នេះគឺជាលើកទីមួយហើយ ដែលផ្ទះរបស់អតីតប្រធានាធិបតី ត្រូវបានឆែកឆេរនៅក្នុងការស៊ើបអង្កេតព្រហ្មទណ្ឌ។

ប្រអប់ដាក់របស់របរជាង ២០ ត្រូវបានថតកាលពីថ្ងៃចន្ទទី០៨ខែសីហា រួមទាំងរូបថតមួយអាល់ប៊ុម, កំណត់ហេតុសរសេរដោយដៃ, ព័ត៌មានមិនជាក់លាក់អំពីប្រធានាធិបតីបារាំង និងលិខិតបញ្ជាក់ដែលសរសេរក្នុងនាមសម្ព័ន្ធមិត្តដ៏យូរអង្វែងរបស់លោក ត្រាំ គឺលោក Roger Stone ផងដែរ។

ដីកាបង្ហាញថា ភ្នាក់ងារ FBI កំពុងរកមើលការរំលោភដែលអាចកើតមាន លើច្បាប់ចារកម្មដែលចែងថា វាជារឿងខុសច្បាប់ក្នុងការរក្សា ឬបញ្ជូនព័ត៌មានសន្តិសុខជាតិដែលមានគ្រោះថ្នាក់។

ដីកាបានកត់សម្គាល់ថា ទីតាំងដែលត្រូវបានឆែកឆេរនៅ Mar-a-Lago គឺរួមមានទាំងតំបន់មួយដែលគេហៅថា “ការិយាល័យ៤៥” និងបន្ទប់ស្តុកទុកផងដែរ ប៉ុន្តែមិនមែនជាបន្ទប់ភ្ញៀវឯកជនដែលត្រូវបានប្រើប្រាស់ដោយលោក Trump និងបុគ្គលិករបស់គាត់នោះទេ៕

ប្រែសម្រួល៖ Vann Vann

ប្រភព៖ BBC

ចុចអាន៖ ប្រភពបង្ហើបថា FBI ឆែកឆេរផ្ទះលោក ត្រាំ ដើម្បីស្វែងរកឯកសារសម្ងាត់ ទាក់ទងអាវុធនុយក្លេអ៊ែរ