អតីតភូមិគ្រឹះតម្លៃ ១០០លានដុល្លារបស់ Michael Jackson លក់បានត្រឹម ២២លានដុល្លារ

ភូមិគ្រឹះធ្លាប់មាន​តម្លៃ​ដល់​ទៅ ១០០លានដុល្លារ របស់អតីតអធិរាជចម្រៀងប៉ុបពិភពលោក Michael Jackson ពេល​នេះបាន​ធ្លាក់​ក្នុង​ដៃ​មហាសេដ្ឋីអាមេរិក​មួយរូប ដោយ​ចំណាយ​ប្រាក់​ត្រឹម​តែ ២២លានដុល្លារ។

ភូមិគ្រឹះ Neverland របស់លោក Michael ស្ថិតក្នុង​ទីក្រុង Santa Barbara រដ្ឋ California ត្រូវ​បាន​អតីតមិត្តភ័ក្តិ​របស់ Michael គឺមហាសេដ្ឋី Ron Burkle ទិញ​ពី​ក្រុមហ៊ុន​អចលនទ្រព្យ Los Olivos ត្រឹម​តម្លៃ ២២លានដុល្លារ ខណៈ​កាល​ពី​ឆ្នាំ ២០១៥ ភូមិគ្រឹះមាន​ទំហំជាងមួយហិកតានេះ គឺត្រូវ​គេវាយ​តម្លៃ​ដល់​ទៅ ១០០លានដុល្លារឯណោះ។

ភូមិគ្រឹះ Neverland ត្រូវអតីតអធិរាជចម្រៀងប៉ុប Michael Jackson ទិញ​កាល​ពី​ឆ្នាំ ១៩៨៧ ក្នុង​តម្លៃ ១៩,៥លានដុល្លារ ខណៈ​កាល​ពី​ឆ្នាំ​ទៅភូមិគ្រឹះនេះ គឺមាន​តម្លៃ ៣១លានដុល្លារ។

លោក Ron Burkle ជាអតីតមិត្តភ័ក្តិ​របស់ Michael និងជាដៃគូវិនោយោគនៃ​សម្ព័ន្ធ​ក្រុមហ៊ុន Yucaipa ហើយបើ​តាមទស្សនាវដ្តីពាណិជ្ជកម្មធំបំផុតរបស់ពិភពលោក Forbes គិតត្រឹមថ្ងៃ ២៤ ធ្នូ ឆ្នាំ ២០២០ លោក Ron Burkle មានទ្រព្យសម្បត្តិសរុប ១,៤ពាន់លានដុល្លារ៕

ប្រែសម្រួល៖ សុភា
ប្រភព៖ BBC