ព័ត៌មានអន្ដរជាតិ

លោក Zelensky ថា កងទ័ព រុស្ស៊ី ចាត់ទុកការវាយប្រហាររោងចក្រនុយក្លេអ៊ែរ ជាគោលដៅពិសេស

បានផុស

២ years មុន

នៅ

ថ្ងៃអាទិត្យ ១៤ សីហា ២០២២

ដោយ

លោក Zelensky និយាយថា កងទ័ពរុស្ស៊ីចាត់ទុកការវាយប្រហាររោងចក្រនុយក្លេអ៊ែរ ជាគោលដៅពិសេស។ ខណៈលោកក៏បានថ្កោលទោសរុស្ស៊ី ចំពោះការបាញ់ផ្លោងម្តងហើយម្តងទៀត នូវរោងចក្រថាមពលនុយក្លេអ៊ែរ Zaporizhzhia ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសារវីដេអូដែលបានចេញផ្សាយកាលពីថ្ងៃសៅរ៍ ប្រធានាធិបតីអ៊ុយក្រែន Zelensky និយាយថា កងកម្លាំងរុស្ស៊ី “ពិតជាលាក់ខ្លួននៅពីក្រោយរោងចក្រដើម្បីបាញ់” ទៅកាន់ទីក្រុងជិតខាង។ លោកបាននិយាយថា ពួកគេរៀបចំការបង្កហេតុឥតឈប់ឈរ ដោយការបាញ់ផ្លោងលើទឹកដីជុំវិញរោងចក្រ។

លោកក៏បានព្រមានថា ទាហានរុស្ស៊ីគ្រប់រូបដែលបាញ់ចំដើមរុក្ខជាតិ ឬបាញ់ក្រោមគម្របរុក្ខជាតិ ត្រូវតែយល់ថាពួកគេកំពុងក្លាយជាគោលដៅពិសេស សម្រាប់អ៊ុយក្រែន។

គួរបញ្ជាក់ដែរថា ការវាយប្រហារលើរោងចក្រ Zaporizhzhia ដែលនៅភាគអាគ្នេយ៍ប្រទេស បានចាប់ផ្ដើមនៅថ្ងៃទី ៥ ខែសីហា។ ក្នុងនោះ ទីក្រុងមូស្គូក៏បានចោទប្រកាន់អ៊ុយក្រែនថា បានវាយប្រហាររោងចក្រនុយក្លេអ៊ែរ ដែលជារោងចក្រដ៏ធំបំផុតមួយនៅអឺរ៉ុបដូចគ្នា៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖ចិន ឲ្យ រុស្ស៊ី និងអ៊ុយក្រែនបន្តការចរចាដោយរបៀបត្រជាក់