ព័ត៌មានអន្ដរជាតិ

ខ្មាន់កាំភ្លើងបើកការវាយប្រហារលើរថយន្តក្រុង របួសច្រើននាក់នៅ អ៊ីស្រាអែល

បានផុស

២ years មុន

នៅ

ថ្ងៃអាទិត្យ ១៤ សីហា ២០២២

ដោយ

ខ្មាន់កាំភ្លើងម្នាក់ បានបើកការបាញ់ប្រហារទៅលើរថយន្តក្រុងមួយ នៅជិតទីក្រុងចាស់នៃទីក្រុង Jerusalem បណ្តាលឲ្យមនុស្សយ៉ាងតិច៨នាក់រងរបួស ក្នុងនោះមាន២នាក់របួសធ្ងន់ នេះបើយោងតាមក្រុមគ្រូពេទ្យ និងប៉ូលិសអ៊ីស្រាអែលបញ្ជាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការវាយប្រហារនេះ បានកើតឡើងនៅព្រឹកព្រលឹមថ្ងៃអាទិត្យ ខណៈដែលរថយន្តក្រុងដឹកជនជាតិអ៊ីស្រាអែល រង់ចាំនៅចំណតក្បែរជញ្ជាំងខាងលិច ដែលជាកន្លែងអធិស្ឋានដ៏បរិសុទ្ធសម្រាប់ជនជាតិយូដា។

យោងតាមកាសែត Times of Israel បានឲ្យដឹងថា ជនរងគ្រោះរួមមានស្ត្រីមានផ្ទៃពោះអាយុ ៣៥ឆ្នាំម្នាក់។ ប៉ូលិសអ៊ីស្រាអែលបាននិយាយថា កងកម្លាំងត្រូវបានបញ្ជូនទៅកាន់កន្លែងកើតហេតុ ដើម្បីចាប់ផ្ដើមការស៊ើបអង្កេត បន្ទាប់ពីត្រូវបានគេជូនដំណឹង ពីការបាញ់ប្រហារលើរថយន្តក្រុង។ ភ្លាមៗប៉ូលិសបានបិទកន្លែងកើតហេតុ ហើយកំពុងតាមរកជនសង្ស័យដែលរត់គេចខ្លួន។

គួរបញ្ជាក់ថា ការវាយប្រហារនៅទីក្រុង Jerusalem បានធ្វើឡើងបន្ទាប់ពីមានភាពតានតឹងមួយសប្ដាហ៍ រវាងអ៊ីស្រាអែល និងយុទ្ធជនប៉ាឡេស្ទីន នៅតំបន់ Gaza Strip និងតំបន់ West Bank ដែលកាន់កាប់៕

ប្រែសម្រួល៖ សាង ស្រីល័ក្ខ

ប្រភព៖Aljazeera

ចុចអាន៖អ៊ីស្រាអែល និងប៉ាឡេស្ទីន ឈានដល់កិច្ចព្រមព្រៀងឈប់បាញ់គ្នា