ព័ត៌មានអន្ដរជាតិ
លោក ត្រាំ ហៅភ្នាក់ងារ FBI ដែលវាយឆ្មក់ផ្ទះរបស់គាត់ថាជា “ឧក្រិដ្ឋជន” (មានវីដេអូ)
អតីតប្រធានាធិបតីអាមេរិក លោក ដូណាល់ ត្រាំ បានហៅភ្នាក់ងារ FBI ដែលវាយឆ្មក់អចលនទ្រព្យ Mar-a-Lago របស់គាត់ថាជា “ឧក្រិដ្ឋជនទូទៅ”, ប៉ុន្មានម៉ោងបន្ទាប់ពីលិខិតឆ្លងដែនរបស់គាត់ត្រូវបានប្រគល់ជូនគាត់វិញ។
លោក ត្រាំ បាននិយាយមុននេះថា ក្នុងអំឡុងពេលឆែកឆេរកាលពីសប្តាហ៍មុន FBI បានរឹបអូសលិខិតឆ្លងដែនចំនួនបី (មួយក្នុងចំណោមនោះបានផុតកំណត់) រួមជាមួយនឹងឯកសារផ្សេងទៀត។
លោក ត្រាំ បានបង្ហោះនៅលើ Truth Social ដែលជាគេហទំព័រប្រព័ន្ធផ្សព្វផ្សាយសង្គមរបស់គាត់ផ្ទាល់ថា “ក្រសួងយុត្តិធម៌ និង FBI ទើបតែប្រគល់លិខិតឆ្លងដែនមកឲ្យខ្ញុំវិញ។ សូមអរគុណ! ជាអកុសល នៅពេលដែលពួកគេវាយឆ្មក់ចូលផ្ទះ Mar-a-Lago របស់ខ្ញុំ កាលពី៨ថ្ងៃមុន ពួកគេបានយកអ្វីៗគ្រប់យ៉ាងដែលពួកគេប្រទះឃើញ ដូចឧក្រិដ្ឋជនទូទៅធ្វើដែរ។ រឿងនេះមិនគួរកើតឡើងនៅអាមេរិកទេ”។
FBI បានវាយឆ្មក់ផ្ទះ Mar-a-Lago របស់លោក ត្រាំ បន្ទាប់ពីទទួលបានដីកាឆែកឆេរដើម្បីរឹបអូសនូវកំណត់ត្រា និងឯកសារដែលគេចាត់ថ្នាក់ថា “កំពូលសម្ងាត់”។ ឯកសារទាំងនោះ ត្រូវបានដាក់ស្លាកថា “TS/SCI” តាមស្តង់ដាររបស់រដ្ឋាភិបាលសហរដ្ឋអាមេរិក។
ភ្លាមៗបន្ទាប់ពីការវាយឆ្មក់បានបញ្ចប់ លោក ត្រាំ បានបង្ហោះថា “Wow! នៅក្នុងការវាយឆ្មក់ដោយ FBI នៅ Mar-a-Lago ពួកគេបានលួចលិខិតឆ្លងដែនរបស់ខ្ញុំចំនួនបី (មួយផុតកំណត់) រួមជាមួយនឹងអ្វីៗផ្សេងទៀត។ នេះគឺជាការវាយប្រហារលើគូប្រជែងនយោបាយ ក្នុងកម្រិតមួយដែលមិនធ្លាប់មានសោះនៅក្នុងប្រទេសរបស់យើង។ ពិភពលោកទីបី”។
រដ្ឋបាលប័ណ្ណសារ និងកំណត់ត្រាជាតិរបស់សហរដ្ឋអាមេរិក ឬ NARA បានចោទប្រកាន់មុននេះថា លោក ត្រាំ មានកាន់កាប់ប្រអប់ឯកសារចំនួន១៥ របស់សេតវិមាន ដែលឯកសារមួយចំនួនជាព័ត៌មានសម្ងាត់។
អតីតប្រធានាធិបតីរូបនេះ អាចត្រូវបានចោទប្រកាន់ក្រោមច្បាប់ចារកម្ម និងឬច្បាប់កំណត់ត្រាប្រធានាធិបតី។ ច្បាប់ស្តីពីកំណត់ត្រាប្រធានាធិបតីបានចែងថា ឯកសារផ្លូវការ និងសម្ភារ ឬព័ត៌មានផ្សេងទៀតដែលប្រធានាធិបតី ឬអនុប្រធានាធិបតី អាចទទួលបានក្នុងអំឡុងពេលកាន់តំណែងរបស់ពួកគេ ត្រូវតែបញ្ជូនទៅ NARA សម្រាប់ការអភិរក្ស។
នេះមានន័យថា កំណត់ត្រាផ្លូវការរបស់ប្រធានាធិបតី គឺត្រូវបានគ្រប់គ្រងដោយរដ្ឋ មិនមែនដោយអង្គភាពឯកជនណាមួយឡើយ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ News18
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
កម្ពុជាមិនទាន់មានចម្លើយពីការចូល BRICS ទេ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៤ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ