ព័ត៌មានអន្ដរជាតិ

អាមេរិក កាត់ទោសសមាជិកក្រុម ISIS ជាប់គុកអស់មួយជីវិត

បានផុស

២ years មុន

នៅ

ថ្ងៃអាទិត្យ ២១ សីហា ២០២២

ដោយ

តុលាការអាមេរិកបានកាត់ទោសអតីតសមាជិកក្រុមរដ្ឋឥស្លាម (ISIS) ម្នាក់ឲ្យជាប់ពន្ធនាគារអស់មួយជីវិតពីបទជាប់ពាក់ព័ន្ធក្នុងផែនការចាប់ចំណាប់ខ្មាំងដែលនាំឲ្យមានការសម្លាប់អ្នកកាសែត និងបុគ្គលិកជំនួយមនុស្សធម៌ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តុលាការសហព័ន្ធនៅរដ្ឋ Virginia ភាគខាងត្បូងបានគាំទ្រការកាត់ទោសនេះដល់សមាជិកក្រុម IS ដែលជាអតីតពលរដ្ឋអង់គ្លេសឈ្មោះ El Shafee Elsheikh កាលពីថ្ងៃសុក្រ ។ គាត់ត្រូវបានគេរកឃើញថាមានពិរុទ្ធពីបទឃុបឃិតគ្នាចាប់ និងសម្លាប់ចំណាប់ខ្មាំងអាមេរិក ៤ នាក់ រួមទាំងអ្នកកាសែត ២ នាក់ផងដែរ ។

កន្លងមកក្រុមរដ្ឋឥស្លាមមានឈ្មោះល្បីល្បាញ ដោយសារបានកំណត់គោលដៅជនបរទេសនៅក្នុងតំបន់នៃមជ្ឈិមបូព៌ាដែលស្ថិតនៅក្រោមការគ្រប់គ្រងរបស់ខ្លួន ។ ក្នុងឆ្នាំ ២០១៥ ក្រុមនេះបានសម្លាប់បុរសជនជាតិជប៉ុន ២ នាក់គឺអ្នកកាសែត Goto Kenji និង Yukawa Haruna ជាពិសេសពួកគេបានបញ្ចេញវីដេអូដែលបង្ហាញពីការកាត់ក្បាលចំណាប់ខ្មាំងមួយចំនួន ។

ចំណែកចៅក្រមតុលាការលោក T.S. Ellis បាននិយាយថា ទង្វើរបស់ Elsheikh គឺ “គួរឲ្យរន្ធត់ ព្រៃផ្សៃ ឃោរឃៅ និងជាឧក្រិដ្ឋជន” ។ ម៉្យាងទៀត Elsheikh គឺជាសមាជិកនៃសាខាក្រុមរដ្ឋឥស្លាមដែលមានរហស្សនាមថា “The Beatles” ។

ទន្ទឹមនោះសមាជិកម្នាក់ទៀតនៃសាខាងក្រុមសកម្មប្រយុទ្ធដែលក៏ជាអតីតពលរដ្ឋអង់គ្លេសផងដែរនោះ ត្រូវបានតុលាការអាមេរិកកាត់ទោសឲ្យជាប់ពន្ធនាគារអស់មួយជីវិតដូចគ្នាកាលពីខែមេសា ៕