ព័ត៌មានអន្ដរជាតិ

ទាហាន រុស្ស៊ី ជាច្រើននាក់បញ្ជូនទៅមន្ទីរពេទ្យនៅ អ៊ុយក្រែន ដោយសារពុលសារធាតុគីមីធ្ងន់ធ្ងរ

បានផុស

២ years មុន

នៅ

ថ្ងៃអាទិត្យ ២១ សីហា ២០២២

ដោយ

ក្រសួងការពារជាតិរុស្ស៊ីបាននិយាយកាលពីថ្ងៃសៅរ៍ថា ទាហានរុស្ស៊ីជាច្រើននាក់ដែលជាប់ពាក់ព័ន្ធក្នុងប្រតិបត្តិការយោធាពិសេសនៅក្នុងប្រទេសអ៊ុយក្រែនត្រូវបានបញ្ជូនទៅមន្ទីរពេទ្យ ដោយសារតែការពុលសារធាតុគីមីយ៉ាងធ្ងន់ធ្ងរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងបាននិយាយថា ដាននៃជាតិពុល Botulinum ប្រភេទ B ដែលជា “សារធាតុពុលសរីរាង្គ” ត្រូវបានរកឃើញនៅក្នុងសំណាកដែលយកចេញពីទាហាន ហើយរុស្ស៊ីក៏បានចោទប្រកាន់ទីក្រុងកៀវពីបទប្រព្រឹត្ត “អំពើភេរវកម្មគីមី” ផងដែរ ។

សេចក្តីថ្លែងការណ៍បាននិយាយថា “ទាហានរុស្ស៊ីត្រូវបានបញ្ជូនទៅមន្ទីរពេទ្យ ដោយសារតែមានសញ្ញានៃការពុលធ្ងន់ធ្ងរ បន្ទាប់ពីបានឈរជើងនៅជិតភូមិ Vasilyevka ក្នុងតំបន់ Zaporozhye កាលពីថ្ងៃទី ៣១ ខែកក្កដា” ។

ក្រសួងបានទទូចទៀតថា “រដ្ឋាភិបាលរបស់លោក Zelensky បានអនុញ្ញាតឲ្យមានការវាយប្រហារភេរវកម្មជាមួយនឹងការប្រើប្រាស់សារធាតុពុលប្រឆាំងនឹងបុគ្គលិក និងជនស៊ីវិលរុស្ស៊ី បន្ទាប់ពីមានការបរាជ័យផ្នែកយោធាជាច្រើននៅក្នុងតំបន់ Donbass និងតំបន់ផ្សេងទៀត ។

ពាក់ព័ន្ធនឹងបញ្ហានេះដែរ រដ្ឋាភិបាលទីក្រុងមូស្គូក៏គ្រោងនឹងបញ្ជូនការធ្វើតេស្តមន្ទីរពិសោធន៍ពីសំណាកទាហានទៅកាន់អង្គការសម្រាប់ការហាមឃាត់អាវុធគីមី (OPCW) ផងដែរ ៕