ព័ត៌មានអន្ដរជាតិ

ប្រជាជន មីយ៉ាន់ម៉ា រាប់រយនាក់តម្រង់ជួរចាំទិញប្រេងឆាដែលរដ្ឋដាក់លក់ក្នុងតម្លៃថោក

បានផុស

២ years មុន

នៅ

ថ្ងៃចន្ទ ២២ សីហា ២០២២

ដោយ

ប្រជាជនមីយ៉ាន់ម៉ារាប់រយនាក់បានឈរតម្រង់ជួរគ្នាដើម្បីរង់ចាំទិញប្រេងឆាដែលរដ្ឋបានដាក់លក់ក្នុងតម្លៃថោកនៅទីក្រុងយ៉ាំងហ្គោន ចំពេលប្រទេសកំពុងទទួលរងនូវភ្លៀងធ្លាក់ខ្លាំងក្នុងរដូវវស្សា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមក តម្លៃទីផ្សារសម្រាប់ប្រេងឆាប្រហែល ១.៦ គីឡូក្រាមបានហក់ឡើងពី ៥,០០០ គីយ៉ាត (២.៣៧ ដុល្លារ) ដល់ ៩,០០០ គីយ៉ាត (៤.២៧ ដុល្លារ) ។

សេដ្ឋកិច្ចរបស់មីយ៉ាន់ម៉ាបានធ្លាក់ចុះជាលំដាប់ បន្ទាប់ពីរដ្ឋប្រហារយោធាកាលពីឆ្នាំមុន ជាពិសេសកាន់តែធ្ងន់ធ្ងរឡើងថែមទៀត ដោយសារតែការព្យាយាមរបស់រដ្ឋាភិបាលយោធាក្នុងការបង្ខំពលរដ្ឋឲ្យប្តូររូបិយប័ណ្ណបរទេស ។

បន្ថែមពីនេះ ការរស់នៅរបស់ប្រជាជនមីយ៉ាន់ម៉ាកាន់តែរងផលប៉ះពាល់ថែមទៀតនោះ គឺដោយសារតែការកើនឡើងនៃតម្លៃទំនិញសកល បន្ទាប់ពីសង្គ្រាមលុកលុយរបស់រុស្ស៊ីលើអ៊ុយក្រែន ។

ទន្ទឹមនោះ តម្លៃអង្ករ ស៊ុត និងបន្លែត្រីសាច់ក៏បានឡើងថ្លៃផងដែរ ដោយសារការកើនឡើងថ្លៃដឹកជញ្ជូន ក៏ដូចជាដោយសារតែទាហាន និងយុទ្ធជនប្រឆាំងយោធាមីយ៉ាន់ម៉ា ប្រែក្លាយតំបន់ភាគច្រើននៃប្រទេសទៅជាសមរភូមិ ៕