ព័ត៌មានអន្ដរជាតិ
រុស្ស៊ី បង្ហាញមុខជនសង្ស័យ ក្នុងករណីធ្វើឃាត កូនស្រីសម្ព័ន្ធមិត្ត លោក ពូទីន (មានវីដេអូ)
សេវាសន្តិសុខសហព័ន្ធរុស្ស៊ី (FSB) បានបង្ហាញជាសាធារណៈ នូវវីដេអូនៃជនជាតិអ៊ុយក្រែន ឈ្មោះ Natalya Vovk ដែលត្រូវបានគេកំណត់ថា ជាជនសង្ស័យសំខាន់ ក្នុងករណីបំផ្ទុះរថយន្តកាលពីថ្ងៃសៅរ៍ទី២០ខែសីហា ដែលបានសម្លាប់អ្នកកាសែតឈ្មោះ Darya Dugina នៅទីក្រុងមូស្គូ។

វីដេអូឃ្លីប ដែលចេញផ្សាយកាលពីថ្ងៃចន្ទទី២២ខែសីហា បានបង្ហាញពី Vovk និងកូនស្រីជំទង់របស់នាង ចូលប្រទេសរុស្ស៊ី ហើយចាកចេញពីប្រទេសយ៉ាងប្រញាប់ប្រញាល់។
Vovk អាយុ៤៣ឆ្នាំ ត្រូវបាន FSB កំណត់ថាជាជនសង្ស័យសំខាន់បំផុត ក្នុងករណីធ្វើឃាត Dugina។ ជនជាតិអ៊ុយក្រែនរូបនេះ បានមកដល់ប្រទេសរុស្ស៊ីកាលពីថ្ងៃទី២៣ខែកក្កដា ដោយប្រើប្រាស់ស្លាកលេខសាធារណៈរដ្ឋប្រជាមានិត Donetsk ដើម្បីចៀសវាងការត្រួតពិនិត្យ។

ខណៈពេលស្ថិតនៅទីក្រុងមូស្គូ នាងបានប្តូរស្លាកលេខរថយន្ត Mini Cooper របស់នាង ទៅជាស្លាកលេខ កាហ្សាក់ស្ថាន ដែលជាអតីតសាធារណរដ្ឋមិត្តភាពសូវៀត វិញ។ នៅថ្ងៃអាទិត្យបន្ទាប់ពីការបំផ្ទុះគ្រាប់បែក, Vovk បានបើកឡានទៅប្រទេសអេស្តូនី ជាមួយស្លាកលេខអ៊ុយក្រែន។
អាជ្ញាធរក៏និយាយដែរថា Vovk ប្រហែលជាប្រើប្រាស់កូនស្រីជំទង់របស់នាង ធ្វើជាការបិទបាំង ដើម្បីអាចបន្លាស់ទីជុំវិញប្រទេសរុស្ស៊ី បានដោយស្រួល។ នាងបានជួលអាផាតមិនមួយនៅក្នុងអគារដែល Dugina រស់នៅ ហើយត្រូវបានថតជាប់ដោយកាមេរ៉ានៅមាត់ទ្វារ។

រូបថតនៃអត្តសញ្ញាណប័ណ្ណរបស់ Vovk ក្នុងឯកសណ្ឋានឆ្មាំជាតិអ៊ុយក្រែន ត្រូវបានបញ្ចេញកាលពីខែមេសានៅលើអ៊ីនធឺណិតរុស្ស៊ី ដែលជាផ្នែកមួយនៃការផ្សព្វផ្សាយឲ្យប្រយ័ត្នអំពីសមាជិកកងវរសេនាធំលទ្ធិណាស៊ី Azov។
គួរបញ្ជាក់ថា Dugina អាយុ២៩ឆ្នាំត្រូវបានសម្លាប់កាលពីល្ងាចថ្ងៃសៅរ៍ទី២០ខែសីហា បន្ទាប់ពី ចូលរួមក្នុងពិធីបុណ្យគ្រួសារអភិរក្សមួយ នៅជិតទីក្រុងមូស្គូជាមួយឪពុករបស់នាង ដែលជាទស្សនវិទូឈ្មោះ Aleksandr Dugin។ Vovk ត្រូវបានគេចោទប្រកាន់ថា បានបង្កៃគ្រឿងផ្ទុះនៅក្រោមរថយន្តរបស់ Dugin៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ អ៊ុយក្រែន ថា ការស្លាប់របស់កូនស្រី សម្ព័ន្ធមិត្តលោក ពូទីន គឺជា កម្មពៀរ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ