ជប៉ុនរកឃើញអ្នកឆ្លងវីរុសកូរ៉ូណាក្លាយពូជប្រភេទថ្មី ៥ករណី

ក្រសួងសុខាភិបាលបាននិយាយកាលពីថ្ងៃសុក្រថា ប្រទេសជប៉ុនបានបញ្ជាក់ពីករណីដំបូងនៃការឆ្លងវីរុសកូរ៉ូណាប្រភេទថ្មីដែលកំពុងរាលដាលនៅក្នុងប្រទេសអង់គ្លេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងនិយាយថា មនុស្ស៥នាក់ដែលជាបុរស៤នាក់និងស្រីម្នាក់សុទ្ធតែមានអាយុក្រោម៧០ឆ្នាំ បានធ្វើតេស្តវិជ្ជមានចំពោះវីរុសកូរ៉ូណាប្រភេទថ្មីនេះនិងមានប្រវត្តិធ្វើដំណើរទៅចក្រភពអង់គ្លេស។ ក្នុងនោះមានអ្នកជំងឺ៤នាក់មិនបង្ហាញរោគសញ្ញា។

ពីរនាក់ក្នុងចំណោមអ្នកទាំង៥បានមកដល់អាកាសយានដ្ឋាន Haneda ក្នុងទីក្រុងតូក្យូខណៈអ្នកផ្សេងទៀតបានមកដល់អាកាសយានដ្ឋាន Kansai ក្នុងខេត្ត អូសាកា។

ប្រទេសជប៉ុនកាលពីថ្ងៃព្រហស្បតិ៍បានដាក់បម្រាមបណ្តោះអាសន្នលើការមកដល់របស់ជនបរទេសមកពីអង់គ្លេសដែលចូលមកក្នុងគោលបំណងធ្វើអាជីវកម្មឬការសិក្សាជាដើមប៉ុន្តែជនជាតិជប៉ុននៅតែត្រូវបានអនុញ្ញាតឲ្យចូល។

ជនជាតិជប៉ុនដែលមកពីចក្រភពអង់គ្លេសចាប់ពីថ្ងៃអាទិត្យស្អែកនេះទៅនឹងតម្រូវឲ្យធ្វើតេស្តមេរោគក្នុងរយៈពេល៧២ម៉ោងមុនពេលចេញដំណើរនិងបង្ហាញលទ្ធផលនៅពេលមកដល់៕

ប្រែសម្រួលដោយ៖ Vann Vann

ប្រភព៖ Bangkok Post

ចុចអាន៖ វីរុសកូរ៉ូណាក្លាយពូជប្រភេទថ្មីរាលដាលទៅដល់ បារាំង ហើយ

ចុចអាន៖​ អង់គ្លេសបញ្ចេញតួលេខអ្នកចាក់វ៉ាក់សាំងកូវីដ ស្របពេលវីរុសកូរ៉ូណាក្លាយពូជថ្មីកំពុងវាយលុកខ្លាំង