Connect with us

ព័ត៌មានអន្ដរជាតិ

ថៃ បង្កើនសន្តិសុខ ត្រៀមទប់ទល់បាតុកម្ម ស្របពេល បញ្ហានយោបាយកាន់តែក្តៅគគុក 

បានផុស

នៅ

នៅថ្ងៃអង្គារទី២៣ខែសីហានេះ អាជ្ញាធរថៃ បានបង្កើនសន្តិសុខនៅក្នុងរាជធានី មុនការតវ៉ាទាមទារឲ្យនាយករដ្ឋមន្ត្រីលាលែងពីតំណែង ខណៈតុលាការកំពុងពិចារណាថាតើ ត្រូវទទួលយកសំណើរបស់នាយករដ្ឋមន្ត្រី ប្រាយុទ្ធ​ ចាន់អូចា ដើម្បីគ្រប់គ្រងអាណត្តិ ដែរឬយ៉ាងណា។

គណបក្សប្រឆាំងដ៏ធំ និងជិតពីរភាគបីនៃប្រជាជនថៃ ដែលត្រូវសាកសួរនៅក្នុងការស្ទង់មតិមួយបានជឿជាក់ថា លោកនាយករដ្ឋមន្ត្រី ប្រាយុទ្ធ ចាន់អូចា ដែលឡើងកាន់អំណាចក្នុងរដ្ឋប្រហារឆ្នាំ២០១៤ គួរតែចុះចេញពីតំណែងនៅថ្ងៃទី២៤ខែសីហាស្អែកនេះ ពីព្រោះពេលវេលារបស់គាត់ក្នុងឋានៈជាប្រមុខយោធា គឺដល់ពេលបញ្ចប់ហើយ។

លោក ប្រាយុទ្ធ អាយុ ៦៨ឆ្នាំ ជាមេទ័ព នៅពេលគាត់ធ្វើរដ្ឋប្រហារក្នុងឆ្នាំ២០១៤ ដើម្បីផ្ដួលរំលំរដ្ឋាភិបាលជាប់ឆ្នោត។ គាត់បានក្លាយជានាយករដ្ឋមន្ត្រីស៊ីវិលក្នុងឆ្នាំ២០១៩ បន្ទាប់ពីការបោះឆ្នោតដែលបានធ្វើឡើងក្រោមរដ្ឋធម្មនុញ្ញ ព្រាងដោយយោធា។

នាយករដ្ឋមន្ត្រីថៃលោក ប្រាយុទ្ធ​ ចាន់អូចា

ប៉ូលិសបានបិទតំបន់ជុំវិញការិយាល័យនាយករដ្ឋមន្ត្រី នៅកណ្តាលទីក្រុងបាងកក ដោយដាក់រនាំង រួមទាំងទូកុងតឺន័រ និងបិទចរាចរណ៍ផងដែរ។

ភឿថៃ ដែលជាគណបក្សប្រឆាំងដ៏ធំ បានដាក់ញត្តិទៅតុលាការធម្មនុញ្ញ ឲ្យសម្រេចថាតើលោក ប្រាយុទ្ធ អាចបន្តកាន់តំណែងបានរយៈពេលប៉ុន្មានទៀត។ តុលាការ​អាច​សម្រេច​បើក​សវនាការ ឬ​ច្រានចោល​ករណី​នេះ​នៅ​ថ្ងៃ​ពុធ។

ប្រសិនបើករណីត្រូវបានទទួលយក គេមិនច្បាស់ទេថាតើ លោក ប្រាយុទ្ធ នឹងបន្តធ្វើជាមេដឹកនាំ ឬត្រូវព្យួរពីតួនាទី។ គេក៏​មិន​ដឹង​ច្បាស់​ដែរ​ថា​តើ ​ពេល​ណា​តុលាការ​នឹង​សម្រេច​លើ​ការ​កំណត់​អាណត្តិ។

គណបក្សប្រឆាំងនិយាយថា ការកាន់តំណែងជានាយករដ្ឋមន្ត្រីរបស់លោក ប្រាយុទ្ធ បានចាប់ផ្តើមនៅក្នុងខែសីហាឆ្នាំ២០១៤ ពោលគឺមានរយៈពេលពីរបីខែ បន្ទាប់ពីរដ្ឋប្រហារ ដូច្នេះហើយតំណែងរបស់គាត់គួរតែបញ្ចប់ក្នុងខែនេះ។

គួរបញ្ជាក់ថា ប្រទេសថៃ បានជួបប្រទះភាពចលាចលនយោបាយជាប់ៗគ្នា អស់រយៈពេលជិតពីរទស្សវត្សរ៍ រួមទាំងរដ្ឋប្រហារចំនួនពីរលើក និងការតវ៉ាហិង្សាផងដែរ ដោយសារតែការប្រឆាំងទៅនឹងការចូលរួមរបស់យោធានៅក្នុងឆាកនយោបាយ។ ប៉ុន្តែ​ការ​តវ៉ា​បាន​ថមថយ​ក្នុង​រយៈពេល​ពីរ​បី​ឆ្នាំ​កន្លង​មក​នេះ ដោយសារ​បម្រាម​​ជួបជុំព្រោះតែជំងឺកូវីដ១៩៕

ប្រែសម្រួល៖ Vann Vann

ប្រភព៖ Reuters

ចុចអាន៖ ថៃ ព្រមានទឹកជំនន់ជន់លិច ទូទាំងប្រទេស ចាប់ពីថ្ងៃសៅរ៍ ដល់សប្តាហ៍ក្រោយ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៦ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ១៣ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ១៩ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ១១ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ១៣ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម