ថៃ ព្រមានបិទប្រទេសទាំងមូលបើប្រជាជនមិនសហការទប់ស្កាត់កូវីដ

អាជ្ញាធរដែលគ្រប់គ្រងជំងឺរាតត្បាតកូវីដ១៩នៅប្រទេសថៃបានចេញការព្រមានខ្លាំងៗកាលពីថ្ងៃសុក្រម្សិលមិញនេះថា សូមសហការជាមួយគោលការណ៍ណែនាំរបស់យើងបើមិនដូច្នោះទេ នឹងមានការបិទប្រទេសទាំងមូលនៅត្រឹមខែមីនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Taweesilp Visanuyothin អ្នកនាំពាក្យមជ្ឈមណ្ឌលគ្រប់គ្រងស្ថានភាពជំងឺកូវីដ១៩ (CCSA) បាននិយាយថា វិធានការចុងក្រោយនឹងត្រូវអនុវត្តប្រសិនបើមិនមានកិច្ចសហប្រតិបត្តិការត្រឹមត្រូវពីប្រជាជននិងប្រសិនបើស្ថានភាពមិនអាចគ្រប់គ្រងបាន។

លោកវេជ្ជបណ្ឌិត Taweesilp កំពុងធ្វើការដោះស្រាយនូវក្តីព្រួយបារម្ភជាទូទៅបន្ទាប់ពីមានការផ្ទុះឡើងនៃការឆ្លងថ្មីៗដែលកើតចេញពីផ្សារបង្គាមួយក្នុងខេត្តសាមុតសាខនដែលប៉ះពាល់ដល់ពលករចំណាកស្រុកភាគច្រើន។

គួរបញ្ជាក់ថា គិតត្រឹមពេលនេះ ប្រទេសថៃមានករណីឆ្លងកូវីដសរុប៥,៩១០ករណី អ្នកស្លាប់៦០នាក់ ព្យាបាលជាសះស្បើយ៤,១៣០នាក់៕

ប្រែសម្រួលដោយ៖ Vann Vann

ប្រភព៖ Bangkok Post

ចុចអាន៖ ផ្ទុះកូវីដខ្លាំង ម៉ាស់នៅ ភូកេត ឡើងថ្លៃហើយ រកទិញមិនបានទៀត

ចុចអាន៖ កូវីដនៅ ថៃ រាលដាលដល់៣១ខេត្ត