មកដឹងតម្លៃអគ្គិសនីក្នុងមួយមេហ្គាវ៉ាត់ម៉ោងរបស់ប្រទេស អឺរ៉ុប មួយចំនួន

បើយោងតាមទិន្នន័យរបស់ផ្សារហ៊ុន Nord Pool បានបង្ហាញកាលពីថ្ងៃអង្គារថា តម្លៃអគ្គិសនីជាមធ្យមក្នុងប្រទេសមួយចំនួននៅអឺរ៉ុបបានកើនឡើង ៥៩៧ ដុល្លារ (២,៣៨៨,០០០ រៀល) ក្នុងមួយមេហ្គាវ៉ាត់ម៉ោង ។

គិតត្រឹមថ្ងៃអង្គារ ទី ២៣ ខែសីហា តម្លៃអគ្គិសនីនៅក្នុងប្រទេសអូទ្រីសគឺ ៦១២ ដុល្លារ (២,៤៤៨,០០០ រៀល) ក្នុងមួយមេហ្គាវ៉ាត់ម៉ោង, ប្រទេសបារាំង ៦០៨ ដុល្លារ (២,៤៣២,០០០ រៀល) ក្នុងមួយមេហ្គាវ៉ាត់ម៉ោង, ហូឡង់ ៦០០.៤៦ ដុល្លារ (២,៤០១,៨៥០ រៀល) ក្នុងមួយមេហ្គាវ៉ាត់ម៉ោង និងបែលហ្ស៊ិកតម្លៃ ៦០០.៣៥ ដុល្លារ (២,៤០១,៤០០ រៀល) ក្នុងមួយមេហ្គាវ៉ាត់ម៉ោង ។

ចំណែកតម្លៃអគ្គិសនីជាមធ្យមនៅក្នុងប្រទេសឡាតវី និងលីទុយអានី គឺជិត ៨០០ ដុល្លារ (៣,២០០,០០០ រៀល) ក្នុងមួយមេហ្គាវ៉ាត់ម៉ោងក្នុងរយៈពេលមួយថ្ងៃនៅខែសីហានេះ ប៉ុន្តែរហូតមកដល់ពេលនេះតម្លៃបានធ្លាក់ចុះវិញ ពោលនៅត្រឹម ៥៣៧ ដុល្លារ (២,១៤៨,000 រៀល) ក្នុងមួយមេហ្គាវ៉ាត់ម៉ោង ។

ទន្ទឹមនោះ ផ្សារហ៊ុន Nord Pool បានកត់សម្គាល់ថា តម្លៃអគ្គិសនីដែលបានព្យាករណ៍ក្នុងប្រទេសសហភាពអឺរ៉ុបទាំងនេះគឺមិនរាប់បញ្ចូលពន្ធ និងថ្លៃសេវាជាតិនោះទេ ។

ដោយឡែកទិន្នន័យពីក្រុមហ៊ុន Intercontinental Exchange ដែលមានមូលដ្ឋាននៅទីក្រុងឡុងដ៍ក៏បានបង្ហាញដែរថា នាពេលអនាគតតម្លៃឧស្ម័ននៅអឺរ៉ុបនឹងកើនឡើង ១៩ ភាគរយ ពោលឈានដល់តម្លៃ ៣,០២២ ដុល្លារក្នុង ១,០០០ ម៉ែត្រគូប ដែលលើសពីកម្រិតកំណត់ ៣,០០០ ដុល្លារ ជាលើកដំបូងចាប់តាំងពីខែមីនា ៕

ប្រែសម្រួលដោយ ៖ ជីវ័ន្ត

ប្រភព ៖ UP

ចុចអាន ៖ តើកូនស្រីសម្ព័ន្ធមិត្តលោក ពូទីន ទើបផ្ទុះរថយន្តស្លាប់មានប្រវត្តិបែបណា និងនិយាយអ្វីខ្លះរឿងសង្គ្រាម រុស្ស៊ី-អ៊ុយក្រែន?