ព័ត៌មានអន្ដរជាតិ

ភេរវករជូនកាដូថ្ងៃគ្រីស្មាស់ឲ្យអាមេរិក ដោយបំផ្ទុះគ្រាប់បែកកណ្តាលក្រុង Nashville

បានផុស

៤ years មុន

នៅ

ថ្ងៃសៅរ៍ ២៦ ធ្នូ ២០២០

ដោយ

រថយន្តបង្កប់គ្រាប់បែកមួយគ្រឿង ត្រូវក្រុមភេរវករមិនស្គាល់មុខ បានយកមកចតចោលលើដងផ្លូវក្នុងទីក្រុង Nashville និងបានបំផ្ទុះកាលពីព្រឹកថ្ងៃសុក្រ ត្រូវជាថ្ងៃនៃពិធីបុណ្យគ្រីស្មាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបំផ្ទុះរថយន្តបង្កប់គ្រាប់បែកនេះ បានបណ្តាលឲ្យមនុស្សយ៉ាងហោចណាស់ ៣នាក់រងរបួស ប៉ុន្តែមិនជារបួសធ្ងន់ធ្ងរនោះទេ ខណៈប៉ុន្មានម៉ោងក្រោយផ្ទុះ ប៉ូលិសរកឃើញថា មានមនុស្សនៅក្បែររថយន្តដែលគេបង្កប់គ្រាប់បែកនោះ។

ចៅហ្វាយក្រុង Nashville លោក John Cooper ភ្លាមៗបានបញ្ជាឲ្យកងកម្លាំងរបស់លោក ធ្វើការឡោមព័ទ្ធកន្លែងកើតហេតុ ដោយអះអាងទៀតថា ការបំផ្ទុះនេះ មិនបានគំរាមកំហែងសន្តិសុខដល់ទីក្រុងល្បីល្បាញបំផុតរបស់ Tennessee មួយនេះឡើយ។

មកទល់នឹងពេលនេះ មិនទាន់មានក្រុមណាចេញមុខទទួលខុសត្រូវចំពោះហេតុការណ៍នេះឡើយ។

ខ្សែអាត់សំឡេងមួយត្រូវបានផ្សាយលើកញ្ចក់ទូរទស្សន៍ក្នុងតំបន់ ប៉ុន្មានម៉ោងក្រោយការផ្ទុះ គឺសំឡេងមនុស្សស្រី អំពាវនាវឲ្យពលរដ្ឋក្នុងទីប្រជុំជនរងគ្រោះ ធ្វើការជម្លៀសខ្លួនជាបន្ទាន់។

តាមកាមេរ៉ាសុវត្ថិភាពបង្ហាញដោយស្នងការប៉ូលិសក្រុង Nashville រថយន្តបង្កប់គ្រប់បែកមួយនេះ ត្រូវជនមិនស្គាល់យកមកចតចោលតាំងពីម៉ោង ១ និង ២២នាទីរំលងអធ្រាត ហើយផ្ទុះនៅម៉ោង ៦ព្រឹក៕

ប្រែសម្រួល៖ សុភា
ប្រភព៖ Reuters