ព័ត៌មានអន្ដរជាតិ

ថៃ ត្រៀមយករូបចម្លាក់សំរឹទ្ធចន្លោះសតវត្សទី៦ ដល់ទី១១ ចំនួន ៣ ទៀតពី អាមេរិក

បានផុស

៣ years មុន

នៅ

ថ្ងៃព្រហស្បតិ៍ ២៥ សីហា ២០២២

ដោយ

រដ្ឋមន្ត្រីក្រសួងវប្បធម៌ថៃលោក Itthiphol Kunplome បាននិយាយថា រដ្ឋាភិបាលថៃកំពុងញាប់ដៃញាប់ជើងទៅយកវត្ថុបុរាណយ៉ាងហោចណាស់ ៣ ទៀតដែលដាក់តាំងក្នុងសារមន្ទីសិល្បៈ Denver រដ្ឋ Colorado សហរដ្ឋអាមេរិក បន្ទាប់ពីជោគជ័យក្នុងការនាំយកវត្ថុបុរាណមកកាន់ប្រទេសវិញនាពេលកន្លងមក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Itthiphol បាននិយាយថា គណៈកម្មាធិការប្រមូលវត្ថុបុរាណកំពុងធ្វើការដើម្បីនាំយកមកវិញនូវរូបចម្លាក់សំរឹទ្ធរបស់ព្រះពោធិសត្វ Avalokitesvara ដែលតំណាងឲ្យការអាណិតអាសូរនៃព្រះពុទ្ធទាំងអស់ រួមជាមួយនឹងព្រះពុទ្ធបដិមាឈរចំនួន ២ ទៀតផងដែរ ។

ព្រះពោធិសត្វ Avalokitesvara គឺស្ថិតក្នុងសម័យមុនអង្គរនៅចន្លោះសតវត្សទី៦ និងទី៩ ខណៈដែលរូបចម្លាក់ ២ ទៀតមានអាយុកាលតាំងពីសម័យ Dvaravati ពីសតវត្សទី៧ ដល់ទី១១ ។

គួរបញ្ជាក់ថា កាលពីខែមុន រូបចម្លាក់មាសបុរាណនៃព្រះពុទ្ធបដិមាអាយុកាល ៥០០ ឆ្នាំពីសម័យ Lanna ក៏ត្រូវបានប្រគល់មកកាន់ប្រទេសថៃវិញផងដែរ ប៉ុន្តែគេមិនដឹងថារូបចម្លាក់នេះត្រូវបានដាក់តាំងបង្ហាញនៅសារមន្ទីរមួយណានៅសហរដ្ឋអាមេរិកនោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ ស្ថានភាពប្រទេស ថៃ រយៈពេល ៨ ឆ្នាំ ក្រោមការដឹកនាំរបស់លោក ប្រាយុទ្ធ ចាន់អូចា