ព័ត៌មានអន្ដរជាតិ

កូរ៉េខាងជើង បញ្ជាក់ច្បាស់ៗថា ករណីផ្ទុះជំងឺគ្រុនក្ដៅថ្មីៗនេះគឺ ផ្ដាសាយ មិនមែនកូវីដទេ

បានផុស

២ years មុន

នៅ

ថ្ងៃសុក្រ ២៦ សីហា ២០២២

ដោយ

ប្រទេសកូរ៉េខាងជើងបាននិយាយថា ករណីគ្រុនក្តៅជាច្រើនដែលត្រូវបានរាយការណ៍កាលពីថ្ងៃព្រហស្បតិ៍គឺបណ្តាលមកពីជំងឺគ្រុនផ្តាសាយ មិនមែនជាជំងឺកូវីដ ១៩ នោះទេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាសែត Rodong Sinmun របស់គណបក្សកាន់អំណាចកូរ៉េខាងជើងបានរាយការណ៍នៅថ្ងៃសុក្រនេះថា ការធ្វើតេស្តអ្នកជំងឺចំនួន ៤ នាក់នៅក្នុងខេត្ត Ryanggang គឺមិនមែនកូវីដនោះទេ វាជារោគសញ្ញាគ្រុនក្តៅ ហើយការបិទខ្ទប់នៅក្នុងខេត្តភាគខាងជើងប្រទេសមួយនេះក៏ត្រូវដកចេញផងដែរ ។

កាលពីថ្ងៃទី១០ ខែសីហា មេដឹកនាំកូរ៉េខាងជើង លោក គីម ជុងអ៊ុន បានប្រកាសពីការយកឈ្នះលើការប្រយុទ្ធប្រឆាំងនឹងជំងឺកូវីដ ១៩ ហើយបានបន្ធូរបន្ថយនូវវិធានការប្រឆាំងនឹងកូវីដទាំងអស់ រួមទាំងកាតព្វកិច្ចពាក់ម៉ាសជាដើម ។

ប៉ុន្តែប្រជាជននៅតំបន់ជាប់ព្រំដែនប្រទេសចិន និងកូរ៉េខាងត្បូងនៅតែត្រូវពាក់ម៉ាស ដោយសារតែមេដឹកនាំប្រទេសនៅតែអំពាវនាវឲ្យប្រជាពលរដ្ឋរក្សាការប្រុងប្រយ័ត្នខ្ពស់បំផុត ។

គួរបញ្ជាក់ថា ទីក្រុងព្យុងយ៉ាងបានប្រកាសមិនមានករណីឆ្លងជំងឺកូវីដ ១៩ អស់រយៈពេលជាង ២ ឆ្នាំ បើទោះជាមានការផ្ទុះឡើងជាសាកលក៏ដោយ រហូតទាល់តែថ្ងៃទី១២ ខែឧសភា ទើបកូរ៉េខាងជើងរាយការណ៍ពីករណីឆ្លងដំបូងរបស់ខ្លួន ៕

ប្រែសម្រួលដោយ ៖ ជីវ័ន្ត

ប្រភព ៖ Yonhap

ចុចអាន ៖ កូរ៉េខាងជើង អាចបាញ់នុយក្លេអ៊ែរ មុនការបោះឆ្នោតពាក់កណ្ដាលអាណត្តិរបស់ អាមេរិក