Moderna ប្ដឹង Pfizer ពីបទលួចចម្លងរូបមន្តផលិតវ៉ាក់សាំង

ក្រុមហ៊ុនផលិតវ៉ាក់សាំង Moderna បានប្តឹងក្រុមហ៊ុន Pfizer និងដៃគូអាល្លឺម៉ង់ BioNTech ចំពោះការរំលោភប៉ាតង់ក្នុងការអភិវឌ្ឍន៍វ៉ាក់សាំងកូវីដ-១៩ ដំបូង ដោយចោទប្រកាន់ថា ក្រុមហ៊ុនទាំងពីរបានចម្លងបច្ចេកវិទ្យាដែល Moderna បានបង្កើតជាច្រើនឆ្នាំ មុនពេលជំងឺរាតត្បាតអុកឡុកពិភពលោក។

បណ្តឹងបានដាក់ទៅដល់តុលាការសហរដ្ឋអាមេរិក ក្នុងរដ្ឋ Massachusetts កាលពីថ្ងៃទី២៦ ខែសីហា ឆ្នាំ២០២២ ស្របពេលដែល Moderna ថ្លែងក្នុងសេចក្តីប្រកាសព័ត៌មានរបស់ខ្លួនថា ក្រុមហ៊ុននឹងដាក់ពាក្យប្ដឹងបន្ថែមទៀតទៅតុលាការក្នុងតំបន់ Duesseldorf ក្នុងប្រទេសអាល្លឺម៉ង់ផងដែរ។

ឆ្លើយតបទៅនឹងបណ្ដឹងខាងលើ Pfizer បញ្ជាក់ថា ក្រុមហ៊ុនមានទំនុកចិត្តលើកម្មសិទ្ធិបញ្ញារបស់ខ្លួន ហើយក្រុមហ៊ុននឹងប្រឆាំងយ៉ាងពេញទំហឹងទៅនឹងការចោទប្រកាន់នេះ។

គួរបញ្ជាក់ថា ក្រុមហ៊ុន Moderna បានចោទប្រកាន់ក្រុមហ៊ុន Pfizer/BioNTech ពីបទលួចចម្លងបច្ចេកវិទ្យា mRNA ដែល Moderna មានប៉ាតង់នៅចន្លោះឆ្នាំ ២០១០-២០១៦ មុនពេលជំងឺកូវីដ-១៩ លេចឡើងកាលពីចុងឆ្នាំ២០១៩។ យ៉ាងណាមិញ ចំពោះសំណងនានា ពាក់ព័ន្ធករណីនេះ នៅមិនទាន់មានការបញ្ជាក់នោះទេ៕

ប្រែសម្រួល៖ សន្យា

ប្រភព៖ Reuters

ចុចអាន៖ មកដឹងខ្ទង់ចំណាយសម្រាប់រៀបចំពិធីបុណ្យសពថ្នាក់រដ្ឋរបស់លោក Abe