សារព័ត៌មាន រុស្ស៊ី ថា ក្រុមភេរវករ អ៊ុយក្រែន គំរាមសម្លាប់និពន្ធនាយក RT និង Sputnik

ប្រធានគណៈកម្មាធិការស៊ើបអង្កេតរុស្ស៊ីលោក Alexander Bastrykin បានបញ្ជាឲ្យស៊ើបអង្កេតលើការគំរាមសម្លាប់និពន្ធនាយកសារព័ត៌មាន RT និង Sputnik លោកស្រី Margarita Simonyan និងក្រុមគ្រួសារពីសំណាក់អង្គការភេរវករ Neo-Nazi Azov របស់អ៊ុយក្រែន ។

នៅក្នុងលិខិតដែលលោកស្រី Simonyan ទទួលបានពីក្រុម Azov និងស៊ែរលើបណ្ដាញ Telegram បានឲ្យដឹងថា “សម្រាប់​ការ​គាំទ្រ​ប្រតិបត្តិការ​យោធា​របស់​រុស្ស៊ី​នៅ​អ៊ុយក្រែន, លោកស្រី Simonyan “ត្រូវ​កាត់ទោស​ប្រហារជីវិត” ។ ចំណែកអំពីវិធីដែលអ្នកកាសែតរុស្ស៊ី និងអ្នកគ្រប់គ្រងប្រព័ន្ធផ្សព្វផ្សាយរូបនេះ ព្រមទាំងកូនទាំងបីរបស់លោកស្រីធ្វើឡើងនាពេលកន្លងមក គួរតែត្រូវបានសម្លាប់” ។

ទន្ទឹមនោះ លោកស្រី Simonyan បានប្រាប់ RIA Novosti ថា “ដោយមើលតាមទម្រង់នៃការគំរាមកំហែងទាំងនេះ លិខិតនេះគឺបង្កើតឡើងដោយមនុស្សឆ្កួត ឬក្មេងជំទង់ដែលញៀនថ្នាំ ។ តើខ្ញុំគួរប្រតិកម្មយ៉ាងណាចំពោះពួកគេ? ខ្ញុំកំពុងរស់នៅក្នុងជីវិតរបស់ខ្ញុំ ហើយខ្ញុំកំពុងធ្វើអ្វីដែលខ្ញុំគិតថាខ្ញុំគួរធ្វើប៉ុណ្ណោះ” ។

បន្ទាប់ពីរុស្ស៊ីបានចាប់ផ្តើមប្រតិបត្តិការយោធាពិសេសរបស់ខ្លួនដើម្បីកម្ចាត់កងទ័ព និងក្រុម Neo-Nazi របស់អ៊ុយក្រែននៅចុងខែកុម្ភៈ, សារព័ត៌មាន RT និង Sputnik បានប្រឈមមុខនឹងការបង្រ្កាបយ៉ាងតឹងរ៉ឹងលើសកម្មភាពផ្សព្វផ្សាយ ក៏ដូចជាឃោសនាអំពីប្រតិបត្តិការរបស់ពួកគេនៅក្នុងសហភាពអឺរ៉ុប និងសហរដ្ឋអាមេរិក ។

ទន្ទឹមនោះ ទីក្រុងមូស្គូក៏បានចេញការថ្កោលទោសចំពោះចំណាត់ការហាមប្រាមលើការផ្សាយ និងសកម្មភាពរបស់សារព័ត៌មាន RT និង Sputnik នៅលើប្រព័ន្ធផ្សព្វផ្សាយសង្គម ហើយបានចោទលោកខាងលិចថា ប៉ុនប៉ងដើម្បីលាក់ការពិតអំពីប្រតិបត្តិយោធា និងវិបត្តិនៅអ៊ុយក្រែន ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ចិន ដាក់ពង្រាយយន្តហោះដឹកប្រេងក្នុងការល្បាតរួមគ្នាជាមួយ រុស្ស៊ី