ព័ត៌មានអន្ដរជាតិ
អ្នកជំនាញព្រមានថា ទីក្រុងបាងកក ប្រឈមគ្រោះទឹកជំនន់ដ៏ធំដូចកាល ១០ ឆ្នាំមុន
អ្នកជំនាញការឡើងកម្ដៅផែនដីបានព្រមាននៅថ្ងៃពុធនេះថា ទីក្រុងបាងកកអាចប្រឈមមុខនឹងទឹកជំនន់ដ៏ធំស្រដៀងហេតុការណ៍ដែលបានកើតឡើងក្នុងឆ្នាំ ២០១១ ដោយសារតែមានភ្លៀងធ្លាក់កម្រិត ១,២០០ មីលីម៉ែត្រ ឬគេហៅថា “ភ្លៀងកម្រិត ១០០ ឆ្នាំ” ។

ទន្ទឹមនោះលោកបណ្ឌិត Seri Suprathit នាយកមជ្ឈមណ្ឌលការប្រែប្រួលអាកាសធាតុ និងគ្រោះមហន្តរាយនៃសាកលវិទ្យាល័យ Rangsit ក៏បានជំរុញឲ្យរដ្ឋាភិបាលថៃចាប់ផ្តើមរៀបចំសេណារីយ៉ោពីឥឡូវនេះផងដែរ បើមិនដូច្នោះទេ ទឹកសមុទ្រនឹងហក់មកលិចរដ្ឋធានីបាងកកក្នុងរយៈពេលត្រឹមតែ ២០ ឆ្នាំ ។
លោក Seri បាននិយាយថា ទីក្រុងបាងកកអាចនឹងទទួលរងនូវជំនន់ទឹកភ្លៀង ១,២០០ មីលីម៉ែត្រ ក្នុងអំឡុងខែកញ្ញា ខែតុលា និងខែវិច្ឆិកា ហើយប្រទេសថៃអាចត្រូវបានវាយប្រហារដោយព្យុះចំនួន ២៣ នៅឆ្នាំនេះ ពោលព្យុះចំនួន ៨ បានបោកបក់មក និង ១៥ ទៀតនឹងមកតាមក្រោយ ។

លោក Seri បានព្រមានថា ភ្លៀងធ្លាក់ខ្លាំងបំផុតនឹងស្រដៀងទៅនឹងភ្លៀងធ្លាក់ខ្លាំងនៅទីក្រុងសេអ៊ូលនាពេលថ្មីៗនេះ ដែលបណ្តាលឲ្យមានទឹកជំនន់ដ៏ធំនៅទីនោះ ខណៈស្ថានភាពបែបនេះនៅក្រុងសេអ៊ូលត្រូវបានគេដាក់ឈ្មោះថា “ភ្លៀងកម្រិត ៨០ ឆ្នាំ” ។
ជាចុងក្រោយលោក Seri បញ្ជាក់ថា “ក្នុងឆ្នាំ ២០១១ ទឹកបានជន់លិចយ៉ាងលឿនពីទន្លេខាងលើ និងទឹកដែលបញ្ចេញពីទំនប់ ។ ប៉ុន្តែនៅឆ្នាំនេះ ទឹកជំនន់នឹងបណ្តាលមកពីភ្លៀងធ្លាក់ ដោយសារតែព្យុះនឹងរំកិលចុះមកតំបន់កណ្តាល ធ្វើឲ្យស្រែទាំងអស់ត្រូវជន់លិច និងហូរហៀរមកតំបន់សេដ្ឋកិច្ចក្នុងទីក្រុងបាងកកតែម្ដង” ៕

ប្រែសម្រួលដោយ ៖ ជីវ័ន្ត
ប្រភព ៖ The Nation
ចុចអាន ៖ លោក ប្រាយុទ្ធ បង្ហាញខ្លួនលើកដំបូង ក្រោយព្យួរតំណែង និងមិននិយាយមួយម៉ាត់ទៅកាន់អ្នកសារព័ត៌មាន

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី