ព័ត៌មានអន្ដរជាតិ

អាល្លឺម៉ង់ ឲ្យលោកខាងលិចកុំមើលងាយកម្លាំងយោធា រុស្ស៊ី ព្រោះសង្គ្រាមទី ២ អាចផ្ទុះគ្រប់ពេល

បានផុស

២ years មុន

នៅ

ថ្ងៃព្រហស្បតិ៍ ១ កញ្ញា ២០២២

ដោយ

ប្រមុខការពារជាតិអាល្លឺម៉ង់លោក Eberhard Zorn បានជំរុញឲ្យលោកខាងលិចកុំមើលស្រាលកម្លាំងយោធារបស់រុស្ស៊ី ហើយរដ្ឋាភិបាលទីក្រុងមូស្គូអាចបញ្ជាឲ្យផ្ទុះសង្គ្រាមទី ២ នៅពេលណាក៏បាន ប្រសិនបើជ្រើសរើសធ្វើដូច្នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ Zorn បានប្រាប់ Reuters នៅក្នុងបទសម្ភាសន៍មួយថា “កងកម្លាំងដីគោករុស្ស៊ីភាគច្រើនអាចនឹងត្រូវជាប់គាំងនៅអ៊ុយក្រែននាពេលនេះ ប៉ុន្តែទោះបីជាយ៉ាងនេះក្តី យើងមិនគួរមើលស្រាលសក្តានុពលរបស់កងកម្លាំងដីគោករុស្ស៊ីក្នុងការលុកលុយសង្គ្រាមលើកទី ២ នោះទេ” ។

លោកបានបន្ថែមថា រុស្ស៊ីក៏មានកងទ័ពជើងទឹក និងកងទ័ពអាកាសក្នុងការកម្ចាត់សត្រូវរបស់ខ្លួនផងដែរ ប៉ុន្តែនៅពេលនេះកងទ័ពជើងទឹករុស្ស៊ីភាគច្រើនមិនទាន់ត្រូវបានដាក់ពង្រាយក្នុងសង្គ្រាមលើអ៊ុយក្រែននោះទេ ខណៈកម្លាំងទ័ពអាកាសរុស្ស៊ីនៅតែមានសក្ដានុពល ជាពិសេសគឺបង្កការគំរាមកំហែងដល់អង្កការណាតូតែម្ដង ។

លោក Zorn បាននិយាយទៀតថា រុស្ស៊ីមានសមត្ថភាពយ៉ាងស្វាហាប់ក្នុងការពង្រីកជម្លោះក្នុងតំបន់ ។ ទោះជាពេលនេះការវាយប្រហាររបស់រុស្ស៊ីបានថយចុះក៏ដោយ ប៉ុន្តែកងកម្លាំងរបស់ទីក្រុងមូស្គូត្រូវបានគាំទ្រដោយការបាញ់កាំភ្លើងធំ ហើយនៅតែឆ្ពោះទៅមុខជាលំដាប់ដោយមិនគិតពីជនស៊ីវិលអ៊ុយក្រែរងគ្រោះនោះទេ” ។

ជាចុងក្រោយលោកឧត្តមសេនីយ៍បញ្ជាក់ថា រុស្ស៊ីមានគ្រាប់កាំភ្លើងយ៉ាងច្រើនសន្ធឹកសន្ធាប់ ។ ពួកគេបាញ់កាំភ្លើងធំប្រហែល ៤ ម៉ឺនទៅ ៦ ម៉ឺនគ្រាប់ក្នុងមួយថ្ងៃ ហើយប្រាកដណាស់ថា វានឹងបណ្តាលឲ្យមានការបំផ្លិចបំផ្លាញយ៉ាងខ្លាំងដល់ហេដ្ឋារចនាសម្ព័ន្ធស៊ីវិលរបស់អ៊ុយក្រែន ៕

ប្រែសម្រួលដោយ ៖ ជីវ័ន្ត

ប្រភព ៖ Reuters

ចុចអាន ៖ រុស្ស៊ី ប្រាប់កម្រិតវិទ្យុសកម្មនៅរោងចក្រនុយក្លេអ៊ែរ ក្រោយ អ៊ុយក្រែន បាញ់ផ្លោង