ប្រធាន​ក្រុមហ៊ុនប្រេង​រុស្ស៊ី ​ធ្លាក់​តាមបង្អួច​មន្ទីរពេទ្យ ស្លាប់

យោងតាមការចុះផ្សាយរបស់សារព័ត៌មាន Moscow Times បានឲ្យដឹងថា ប្រធានក្រុមហ៊ុនប្រេង Lukoil របស់រុស្ស៊ី គឺលោក Ravil Maganov បានស្លាប់ ក្រោយពេលធ្លាក់ចុះពីបង្អួចមន្ទីរពេទ្យក្នុងទីក្រុងមូស្គូ។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភព, លោក Maganov អាយុ ៦៧ ឆ្នាំកំពុងសម្រាកព្យាបាលនៅមន្ទីរពេទ្យ Central Clinical Clinical ក្នុងទីក្រុង ហើយបានស្លាប់បន្ទាប់ពីការធ្លាក់។

គាត់គឺជាអ្នកជំនួញល្បីឈ្មោះចុងក្រោយគេ ក្នុងចំណោមបុគ្គលសំខាន់ៗនៃវិស័យសេដ្ឋកិច្ច ដែលបានបាត់បង់ជីវិតដោយអាថ៌កំបាំង។

គេដឹងថា លោក Lukoil បានអំពាវនាវឲ្យសង្រ្គាមបញ្ចប់ មិនយូរប៉ុន្មានបន្ទាប់ពីរុស្ស៊ីបើកការលុកលុយអ៊ុយក្រែន ។

គួរបញ្ជាក់ថា កាលពីខែឧសភា អតីតអ្នកចាត់ការទូទៅនៅក្រុមហ៊ុន Lukoil គឺលោក Alexander Subbotin ក៏ត្រូវបានគេរាយការណ៍ថា បាត់បង់ជីវិតដោយអាថ៌កំបាំងផងដែរ៕

ប្រែសម្រួល៖ Vann Vann

ប្រភព៖ Moscow Times

ចុចអាន៖ រុស្ស៊ី ប្រកាស ទោះ ១០០ឆ្នាំទៀត ក៏ខ្លួនមិនទាន់អស់ឧស្ម័នប្រើដែរ