ព័ត៌មានអន្ដរជាតិ

លោក Zelensky ថា អ៊ុយក្រែនអាចក្លាយជា មជ្ឈមណ្ឌលថាមពលបៃតង សម្រាប់ អឺរ៉ុប ហើយឈប់ពឹងផ្អែកឧស្ម័នរុស្ស៊ី

បានផុស

២ years មុន

នៅ

ថ្ងៃសៅរ៍ ៣ កញ្ញា ២០២២

ដោយ

លោក Volodymyr Zelensky បាននិយាយកាលពីថ្ងៃសុក្រថា អ៊ុយក្រែនអាចក្លាយជា “មជ្ឈមណ្ឌលថាមពលបៃតង” សម្រាប់អឺរ៉ុប និងជួយកាត់បន្ថយការពឹងផ្អែកលើឧស្ម័នរបស់រុស្ស៊ីបានទាំងស្រុងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានាធិបតីអ៊ុយក្រែនរូបនេះ បាននិយាយនៅក្នុងសារវីដេអូមួយដែលបានផ្សាយនៅឯវេទិកាសេដ្ឋកិច្ច Ambrosetti នៅ Cernobbio ភាគខាងជើងប្រទេសអ៊ីតាលីថា “យើងអាចជួយឲ្យមានស្ថិរភាពនៃការប្រើប្រាស់ថាមពលនៅក្នុងប្រទេសជិតខាង និងនៅអឺរ៉ុប ហើយនេះអាចកាត់បន្ថយសម្ពាធរបស់រុស្ស៊ីមកលើអឺរ៉ុប” ។

លោកបាននិយាយថា “រហូតមកដល់ពេលនេះ ទោះបីជាមានការលំបាកក៏ដោយ យើងអាចនាំចេញថាមពលស្មើនឹង ៨ភាគរយ នៃតម្រូវការរបស់អ៊ីតាលី” ។ លើសពីនេះ អ៊ុយក្រែនអាចក្លាយជាមជ្ឈមណ្ឌលថាមពលបៃតងសម្រាប់អឺរ៉ុបខណៈយើងមានសក្ដានុពលដ៏អស្ចារ្យ ក្នុងការអភិវឌ្ឍថាមពលកកើតឡើងវិញ និងអ៊ីដ្រូសែនពណ៌បៃតង។”

លោក Zelensky ក៏បានបន្ថែមផងដែរថា “អ៊ុយក្រែនត្រៀមខ្លួនជាស្រេចដើម្បីបង្កើនការនាំចេញអគ្គិសនីទៅកាន់បណ្ដាប្រទេសសហភាពអឺរ៉ុប” ដោយសង្កត់ធ្ងន់លើសារៈសំខាន់នៃការអនុញ្ញាតឲ្យរោងចក្រនុយក្លេអ៊ែរ Zaporizhzhia ដំណើរការដោយសុវត្ថិភាព និងបន្តភ្ជាប់ទៅបណ្ដាញអគ្គិសនីអ៊ុយក្រែន៕

ប្រែសម្រួល៖ សាង ស្រីល័ក្ខ

ប្រភព៖AA

ចុចអាន៖អ៊ុយក្រែន ព្រមានពីការធ្លាក់ចុះទិន្នផលគ្រាប់ធញ្ញជាតិ កាន់តែច្រើននៅឆ្នាំក្រោយ