អនុប្រធានាធិបតីប្រេស៊ីល តេស្តវិជ្ជមានកូវីដ១៩

អនុប្រធានាធិបតីប្រេស៊ីលលោក Hamilton Mourão បានធ្វើតេស្តវិជ្ជមានវីរុសកូរ៉ូណាស្របពេលប្រទេសនេះបានកត់ត្រាការស្លាប់ថ្មីដោយសារជំងឺកូវីដ១៩ចំនួន៣៤៤នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Mourão គឺជាមនុស្សចុងក្រោយបង្អស់នៅក្នុងជួរមន្រ្តីជាន់ខ្ពស់ប្រេស៊ីលដែលបានឆ្លងវីរុសនេះ។ លោកប្រធានាធិបតី Jair Bolsonaro បានឆ្លងជំងឺនេះកាលពីខែកក្កដាហើយបានជាសះស្បើយវិញ។

នៅក្នុងសេចក្តីថ្លែងការណ៍មួយ ការិយាល័យរបស់លោក Mourão បាននិយាយថា គាត់បានធ្វើតេស្តវិជ្ជមានកាលពីរសៀលថ្ងៃអាទិត្យហើយថា គាត់នឹងធ្វើចត្តាឡីស័កនៅ Jaburu ដែលជាទីលំនៅផ្លូវការរបស់គាត់។

ដោយឡែក ក្រសួងសុខាភិបាលប្រេស៊ីលកាលពីថ្ងៃអាទិត្យបានរាយការណ៍ថា ប្រទេសនេះបានចុះបញ្ជីការស្លាប់ថ្មីដោយសារជំងឺកូវីដ១៩ចំនួន៣៤៤នាក់និងការឆ្លងថ្មីចំនួន១៨,៤៧៩ករណី។

គិតត្រឹមពេលនេះ ប្រទេសប្រេស៊ីលមានករណីដែលត្រូវបានបញ្ជាក់ជិត៧.៥លានករណីហើយចំនួនអ្នកស្លាប់ដោយសារវីរុសនេះសរុបមានចំនួន១៩១,១៣៩នាក់៕

ប្រែសម្រួលដោយ៖ Vann Vann

ប្រភព៖ Reuters

ចុចអាន៖ ចោរប្លន់ធនាគារបាចលុយពេញផ្លូវហើយរត់គេចខ្លួន (មានវីដេអូ)

ចុចអាន៖ គ្រោះថ្នាក់ចរាចរណ៍រថយន្តដឹកកម្មកររោងចក្រ ស្លាប់មនុស្ស៤១នាក់នៅ ប្រេស៊ីល