ព័ត៌មានអន្ដរជាតិ
ថៃ ព្រមានភ្លៀងធ្លាក់ខ្លាំង និងទឹកជំនន់ទូទាំងប្រទេស ពិសេសនៅ បាងកក ចាប់ពីថ្ងៃចន្ទទៅ
នាយកដ្ឋានឧតុនិយមថៃបាននិយាយកាលពីថ្ងៃសៅរ៍ថា ផ្នែកជាច្រើននៃប្រទេសថៃនឹងរងឥទ្ធិពលដោយភ្លៀងធ្លាក់ខ្លាំង ក៏ដូចជាទឹកជំនន់ពីថ្ងៃចន្ទដល់ថ្ងៃសុក្រ ។

ខ្យល់មូសុងនឹងគ្របដណ្ដប់លើតំបន់ទំនាបភាគខាងជើង ភាគកណ្តាល និងភាគឦសាននៅសប្តាហ៍ក្រោយ ខណៈដែលខ្យល់មូសុងនិរតីដែលបោកបក់លើសមុទ្រ Andaman ប្រទេសថៃ និងឈូងសមុទ្រថៃក៏នឹងបង្កើនកម្លាំងរបស់វាផងដែរ ។
ទន្ទឹមនោះ នាយកដ្ឋានរំពឹងថានឹងមានភ្លៀងធ្លាក់បន្ថែមទៀតនៅទូទាំងប្រទេស ខណៈដែលអាចមានភ្លៀងធ្លាក់ពីកម្រិតតិចទៅខ្លាំងនៅតំបន់ភាគខាងជើង ភាគឦសាន ភាគខាងកើត ភាគខាងត្បូង និងភាគកណ្តាល រួមទាំងទីក្រុងបាងកកផងដែរ ។

ស្របពេលជាមួយគ្នានេះ នាយកដ្ឋានក៏បានព្រមានប្រជាជនឲ្យប្រុងប្រយ័ត្នចំពោះទឹកជំនន់ភ្លាមៗ និងទឹកហូរហៀរផងដែរ ជាពិសេសនៅតាមបណ្តោយផ្លូវទឹកក្បែរជើងភ្នំ និងតំបន់ទំនាប ។
ខ្យល់បោកបក់ខ្លាំងត្រូវបានគេរំពឹងថា នឹងបង្កើតបានជារលកកម្ពស់ពី ២ ទៅ ៣ ម៉ែត្រនៅសមុទ្រ Andaman ខាងលើ ខណៈឈូងសមុទ្រនៃប្រទេសថៃក៏នឹងកើនឡើងរលកកកម្ពស់ខ្ពស់លើសពី ២ ម៉ែត្រ ក្នុងអំឡុងពេលមានផ្គររន្ទះ ។

ជាចុងក្រោយនាយកដ្ឋានក៏បានណែនាំឲ្យអ្នកនេសាទតាមកប៉ាល់បន្តការប្រុងប្រយ័ត្នដើម្បីបញ្ចៀសពីបាតុភូតផ្គរ រន្ទះ ខណៈទូកតូចៗនៅសមុទ្រ Andaman និងឈូងសមុទ្រខាងលើ ត្រូវបានណែនាំឲ្យស្នាក់នៅលើគោក ចាប់ពីថ្ងៃចន្ទដល់ថ្ងៃសុក្រ ៕
ប្រែសម្រួលដោយ ៖ ជីវ័ន្ត
ប្រភព ៖ The Nations
ចុចអាន ៖ នាយកដ្ឋានឧតុនិយម ថៃ ឆ្លើយបែបណា រឿងថា បាងកក នឹងជួបគ្រោះទឹកជំនន់ដូច ១០ ឆ្នាំមុន

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ