លោក ពូទីន ថា ក្រុមភេរវកររបស់ អ៊ុយក្រែន ត្រូវតែទទួលខុសត្រូវសោកនាដកម្មនៅ Donbass

ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានដាក់ទំនួលខុសត្រូវចំពោះសោកនាដកម្មនៅតំបន់ Donbass លើ “អង្គការភេរវករ neo-Nazi” របស់អ៊ុយក្រែន ព្រោះតែក្រុមមួយនេះនាំឲ្យទីក្រុងមូស្គូបរាជ័យ រាល់ការប៉ុនប៉ងដើម្បីដោះស្រាយបញ្ហាដោយសន្តិវិធី ។

លោក ពូទីន បាននិយាយថា “សោកនាដកម្មនេះគឺជាលទ្ធផលនៃសកម្មភាពរបស់អ្នកជាតិនិយម របប neo-Nazi ដែលបានដណ្តើមអំណាចនៅអ៊ុយក្រែនដោយកម្លាំងនៅក្នុងឆ្នាំ ២០១៤ ហើយបន្ទាប់មកបានចាប់ផ្តើមអរិភាពនៅតំបន់ Donbass” ។

លោក ពូទីន បានបន្ថែមថា “ដូច្នេះហើយទើបយើងបានធ្វើប្រតិបត្តិការយោធាទ្រង់ទ្រាយធំចំនួន ២ នៅតំបន់ Donbass ជាពិសេសការប្រើកាំភ្លើងធំ ការវាយប្រហារតាមអាកាស ក៏ដូចជាអាវុធធុនធ្ងន់ជាដើម ហើយនេះគឺជាអ្វីដែលកំពុងកើតឡើងនៅទីនោះ ។ វាជាកាតព្វកិច្ចរបស់រុស្ស៊ីក្នុងការជួយប្រជាជនតំបន់ Donbass ក៏ដូចជាការពារទឹកដីរបស់ពួកគេដោយសេចក្ដីក្លាហាន” ។

ទីក្រុងមូស្គូបានចាប់ផ្តើមប្រតិបត្តិការយោធាពិសេសនៅក្នុងប្រទេសអ៊ុយក្រែនតាមបញ្ជារបស់លោក ពូទីន ក្រោយការស្នើសុំពីសាធារណរដ្ឋប្រជាមានិត Donetsk និង Luhansk ដើម្បីការពារពួកគេប្រឆាំងនឹងការវាយប្រហាររបស់កងកម្លាំងប្រដាប់អាវុធអ៊ុយក្រែន ។

ការវាយប្រហារទាំងនេះបានបន្តជាមួយនឹងភាពខុសគ្នាជាច្រើក្នុងរយៈពេល ៨ ឆ្នាំចុងក្រោយនេះ ចាប់តាំងពីសាធារណរដ្ឋទាំងពីរបានប្រកាសឯករាជ្យរបស់ពួកគេ ហើយលោក ពូទីន បានពណ៌នាសកម្មភាពរបស់ទីក្រុងកៀវនៅតំបន់ Donbass ថាជា “អំពើប្រល័យពូជសាសន៍” ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ពូទីន អនុម័តគោលនយោបាយការបរទេសថ្មី “ពិភពលោករុស្ស៊ី”