វៀតណាមភាគខាងជើង នឹងជួបភ្លៀងធ្លាក់ខ្លាំងចាប់ពីថ្ងៃនេះទៅ អាចបង្កជាទឹកជំនន់និងការបាក់ដី (មានវីដេអូ)

មជ្ឈមណ្ឌលជាតិសម្រាប់ការព្យាករណ៍ឧតុនិយមវៀតណាម បានឲ្យដឹងថា ភ្លៀងធ្លាក់ខ្លាំងរហូតដល់ ៣០០មិល្លីម៉ែត្រ ត្រូវបានគេរំពឹងថានឹងវាយប្រហារខេត្តភាគខាងជើង និងភាគកណ្តាលចាប់ពីថ្ងៃពុធទី០៧ខែកញ្ញានេះទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្លៀងធ្លាក់ជាមធ្យមពី ១០០ ទៅ ២៥០ មិល្លីម៉ែត្រ ត្រូវបានព្យាករណ៍ថា នឹងធ្លាក់លើតំបន់ភាគខាងជើង និងកណ្តាល ចាប់ពីយប់ថ្ងៃពុធនេះ ដល់ថ្ងៃចន្ទសប្តាហ៍ក្រោយ។

ភ្លៀងធ្លាក់ អាចមានកម្រិតលើសពី ៣០០មិល្លីម៉ែត្រ នៅទីតាំងមួយចំនួន។

គំរូអាកាសធាតុនេះ នឹងបង្កហានិភ័យខ្ពស់ នៃការជន់លិចនៅតំបន់ទំនាប ក៏ដូចជាជំនន់ទឹកភ្លៀងនិងការបាក់ដីនៅតាមតំបន់ភ្នំផងដែរ។ ភ្លៀង​អាច​នឹង​មានលាយឡំ​ខ្យល់​កន្ត្រាក់ និង​​រន្ទះ។

នៅភាគកណ្តាល និងភាគខាងត្បូងប្រទេសវៀតណាម ភ្លៀងធ្លាក់ពី ២០ ទៅ ៧០ មិល្លីម៉ែត្រ ត្រូវបានកត់ត្រាកាលពីថ្ងៃចន្ទ។

នៅតំបន់សមុទ្រចន្លោះខេត្ត Binh Thuan ដល់ខេត្ត Ca Mau, ខ្យល់បក់ខ្លាំង និងរលកកម្ពស់ពី ២ ទៅ ៣ ម៉ែត្រត្រូវបានគេព្យាករ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ អ្នកវិទ្យាសាស្រ្តបារម្ភ! ផ្ទាំងទឹកកកដ៏ធំ នឹងរលាយ បណ្តាលឲ្យពិភពលោក ជួបទឹកជំនន់ធ្ងន់ធ្ងរ