លោក ស៊ី និង ពូទីន នឹងជួបទល់មុខគ្នាផ្ទាល់ នៅសប្តាហ៍ក្រោយ

យោងតាមទីភ្នាក់ងារសារព័ត៌មានរដ្ឋរុស្ស៊ី Tass បានឲ្យដឹងថា មេដឹកនាំចិនលោក ស៊ី ជីនពីង និងប្រធានាធិបតីរុស្ស៊ី លោក វ្ល៉ាឌីមៀរ ពូទីន នឹងជួបពិភាក្សានៅខាងក្រៅកិច្ចប្រជុំកំពូលមួយក្នុងប្រទេស អ៊ូសបេគីស្ថាន នាសប្តាហ៍ក្រោយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជំនួបអំឡុងកិច្ចប្រជុំកំពូល របស់អង្គការកិច្ចសហប្រតិបត្តិការសៀងហៃ (SCO) នឹងក្លាយជាការជួបទល់មុខគ្នាដោយផ្ទាល់ជាលើកដំបូងរវាងមេដឹកនាំទាំងពីរ ដែលបានបង្កើតទំនាក់ទំនងកាន់តែជិតស្និទ្ធ ចាប់តាំងពីការវាយលុករបស់រុស្ស៊ីលើអ៊ុយក្រែន កាលពីដើមឆ្នាំនេះ។

នោះក៏នឹងក្លាយជាការធ្វើដំណើរចេញក្រៅប្រទេសលើកដំបូងសម្រាប់លោក ស៊ី ចាប់តាំងពីវិបត្តិជំងឺកូវីដ១៩ ផ្ទុះឡើងផងដែរ។

គួរបញ្ជាក់ថា កិច្ចប្រជុំកំពូល SCO នឹងប្រព្រឹត្តទៅចាប់ពីថ្ងៃទី១៥ដល់ ១៦ខែកញ្ញានៅទីក្រុង Samarkand៕

ប្រែសម្រួល៖ Vann Vann

ប្រភព៖ CNN

ចុចអាន៖ លោក ពូទីន និងលោក ស៊ី នឹងជួបគ្នាឆាប់ជាងការរំពឹងទុក