ទឹកជំនន់ កំពុងវាយលុកទីក្រុងបាងកក ស្ទើរគ្រប់ទីកន្លែង

យោងតាមប្រព័ន្ធផ្សព្វផ្សាយនៅក្នុងប្រទេសថៃបានបញ្ជាក់ថា រយ:ពេល២ថ្ងៃកន្លងមកនេះ គឺនៅក្នុងទីក្រុងបាងកកទាំងមូល កំពុងទទួលរងនូវសម្ពាធទឹកភ្លៀងធ្លាក់ជាប់ៗគ្នាស្ទើរគ្រប់ទីកន្លែង ដែលបង្កអោយក្លាយជាទឹកជំនន់លិចលំនៅឋាន ផ្លូវថ្នល់ និងស្ទើរតែគ្រប់ហេដ្ឋារចនាសម្ព័ន្ធទាំងអស់ ។

ព័ត៌មានបានបញ្ជាក់ថា នៅក្នុងតំបន់ខ្លះ គឺទឹកបានជន់ឡើងយ៉ាងលឿនបំផុត ពីចំណុចក្លងបាងបួ បង្កអោយលិចលង់តំបន់ ក្លងឡាតប្រាវ តំបន់ហ៊ួយខ្វាង ឌិនដែង ដែលទឹកនេះអាចធ្លាក់មកពីខេត្តប៉ាធុំថានី ។

ដោយឡែកនៅតាមតំបន់ផ្សេងទៀតដូចជា ម៉ឈីត រុាំងសុីត ចែងវឌ្ឍន: មឿងថងថានី និង ម៉ាកគ្រីត ។ល។ បាននិងកំពុងលិចលង់យ៉ាងធ្ងន់ធ្ងរដែលមិនអាចមាននរណាជួយនរណាបាន។

រហូតមកដល់ព្រឹកថ្ងៃទី៨ កញ្ញានេះ ទឹកមិនទាន់មានការថមថយនៅឡើយទេ ដោយសារតែខ្សែទឹកហូតមានល្បឿនយឺត ឯទឹកភ្លៀងនៅតែបន្តធ្លាក់ឥតឈប់ឈរ ៕

អត្ថបទ៖ សោ និយមរ័ត្ន