ប្រទេសសម្ព័ន្ធមិត្ត រុស្ស៊ី ធ្វើសមយុទ្ធយោធាអំពី “ការរំដោះទឹកដីដែលរឹបអូស​​ដោយសត្រូវ” ជិតព្រំដែន អ៊ុយក្រែន

ប្រទេសបេឡារុសបានចាប់ផ្តើមធ្វើសមយុទ្ធយោធានៅទីក្រុង Brest ជិតព្រំដែនប្រទេសប៉ូឡូញ និងជិតព្រំដែនជាមួយអ៊ុយក្រែន ។

ក្រសួងការពារជាតិបាននិយាយថា ប្រទេសបេឡារុសដែលជាសម្ព័ន្ធមិត្តជិតស្និទ្ធរបស់រុស្ស៊ី ក៏ដូចជាបានអនុញ្ញាតឲ្យទីក្រុងមូស្គូ យកទឹកដីរបស់ខ្លួនធ្វើជាផ្នែកមួយនៃសង្គ្រាមលុកលុយលើអ៊ុយក្រែន ក៏បានចាប់ផ្តើមសមយុទ្ធនៅជិតរដ្ឋធានី Minsk និងតំបន់ភាគឦសាននៃទីក្រុង Vitebsk ផងដែរ ។

ក្រសួងបាននិយាយទៀតថា សមយុទ្ធដែលគ្រោងនឹងអូសបន្លាយរហូតដល់ថ្ងៃទី ១៤ ខែកញ្ញា នឹងអនុវត្ត “ការរំដោះទឹកដីដែលត្រូវបានរឹបអូសជាបណ្តោះអាសន្នដោយសត្រូវ” និង “ការដណ្តើមគ្រប់គ្រងតំបន់ព្រំដែនឡើងវិញ” ផងដែរ ។

យោងតាមក្រសួងការពារជាតិបានឲ្យដឹងថា ចំនួនកងទ័ព និងកម្រិតឧបករណ៍យោធាដែលចូលរួមក្នុងសមយុទ្ធនេះ មិនតម្រូវឲ្យមានការជូនដំណឹងណាមួយទៅខាងក្រៅនោះទេ ពោលវានៅក្រោមគោលការណ៍ណែនាំរបស់អង្គការសន្តិសុខ និងសហប្រតិបត្តិការនៅអឺរ៉ុប ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ ពូទីន ប្រាប់មូលហេតុដែលមិននិយាយពី អ៊ុយក្រែន ក្នុងវេទិកាសេដ្ឋកិច្ចបូព៌ា