ព័ត៌មានអន្ដរជាតិ

ទឹកជំនន់ក្នុងស្រុកមួយនៅជិតក្រុង បាងកក ឈានដល់កម្រិតគ្រោះថា្នក់ ម៉ាស៊ីនបូមទឹកក៏ជួយលែងបាន

បានផុស

២ years មុន

នៅ

ថ្ងៃព្រហស្បតិ៍ ៨ កញ្ញា ២០២២

ដោយ

កម្រិតទឹកជំនន់នៅក្នុងស្រុក Rangsit នៃខេត្ត Pathum Thani ជិតទីក្រុងបាងកកប្រទេសថៃ កំពុងស្ថិតក្នុងកម្រិតគ្រោះថ្នាក់ បន្ទាប់ពីម៉ាស៊ីនបូមទឹកចំនួន ៩ គ្រឿងក្នុងចំណោម ២០ គ្រឿងដែលដាក់ដំណើរការសម្រាប់ជួយរំដោះទឹកបានខូច ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេហទំព័រផ្លូវការរបស់ស្រុកបានបង្ហាញពីកម្រិតទឹកក្នុងប្រឡាយ Rangsit បានកើនឡើងពីកម្ពស់ ១.៧៨ ម៉ែត្រដល់ ១.៨០ ម៉ែត្រនៅព្រឹកនេះថ្ងៃព្រហស្បតិ៍នេះ ។

លោក Bowdaeng Takaew ប្រធានគម្រោងគ្រប់គ្រងទឹកនៅស្រុក Rangsit បានបង្ហាញឲ្យដឹងថា ក្រុមហ៊ុនមើលថែជួសជុលម៉ាស៊ីនបូមទឹកកំពុងអស់គ្រឿងបន្លាស់ ហើយក្ដីបារម្ភរបស់យើងគឺថា គ្រឿងបន្លាស់នឹងត្រូវដឹកជញ្ជូនពីបរទេស ខណៈការដឹកជញ្ជូនត្រូវចំណាយពេលប្រហែល ៣ ថ្ងៃឯណោះ ។

ចំណែកប្រធាននាយកដ្ឋានធារាសាស្ត្រ លោក Prapit Chanma បានសន្យាជាមួយប្រជាពលរដ្ឋថា លោកនឹងរកម៉ាស៊ីនបូមទឹកបន្ថែមទៀតដើម្បីជំនួសម៉ាស៊ីនដែលខូច អំឡុងពេលរង់ចាំទទួលគ្រឿងបន្លាស់សម្រាប់ការជួសជុល ។

ស្របពេលជាមួយគ្នានេះ ការិយាល័យស្រុក Rangsit ក៏បានប្រកាសដែរថា ពួកគេនឹងជួយអ្នកស្រុកដែលរងគ្រោះដោយទឹកជំនន់ ហើយជំរុញឲ្យជនរងគ្រោះដោយទឹកជំនន់ផ្តល់ដំណឹងណាមួយតាមរយៈបណ្ដាញអនឡាញ ៕