ចៅហ្វាយខេត្ត សាមុត សាខន ឆ្លងកូវីដ ឧបនាយករដ្ឋមន្ត្រីថៃកំពុងធ្វើចត្តាឡីស័ក

យោងតាមការចុះផ្សាយរបស់កាសែត Bangkok Post បានឲ្យដឹងថា ឧបនាយករដ្ឋមន្រ្តីនិងជារដ្ឋមន្រ្តីក្រសួងសុខាភិបាលថៃលោក Anutin Charnvirakul កំពុងធ្វើចត្តាឡីស័កក្នុងផ្ទះរយៈពេល១៤ថ្ងៃបន្ទាប់ពីជួបប្រជុំជាមួយអភិបាលខេត្ត សាមុតសាខន ដែលក្រោយមកបានធ្វើតេស្តវិជ្ជមានជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត Taweesilp Visanuyothin អ្នកនាំពាក្យមជ្ឈមណ្ឌលគ្រប់គ្រងស្ថានភាពជំងឺកូវីដ១៩បានប្រកាសនៅថ្ងៃចន្ទនេះថា លោក Anutin កំពុងធ្វើចត្តាឡីស័កក្នុងផ្ទះ។

លោកបាននិយាយថា សំណាកត្រូវបានប្រមូលពីរដ្ឋមន្រ្តីសម្រាប់ការធ្វើតេស្តបន្ទាប់ពីមន្ត្រីជាន់ខ្ពស់ក្នុងតំបន់ម្នាក់ត្រូវបានបញ្ជាក់ថាមានជំងឺនេះ។

លោកវេជ្ជបណ្ឌិត Taweesilp បាននិយាយថា មន្រ្តីជាន់ខ្ពស់មកពីក្រសួងសុខាភិបាលសាធារណៈបានជួបប្រជុំរយៈពេលមួយម៉ោងជាមួយមន្រ្តីនៅឯមន្ទីរពេទ្យខេត្ត សាមុត សាខន កាលពីថ្ងៃអាទិត្យ។ ក្រោយមក មន្ត្រីជាន់ខ្ពស់ខេត្តរូបនេះត្រូវបានបញ្ជាក់ថាបានឆ្លងកូវីដ។

លោកបាននិយាយថា លទ្ធផលនៃការធ្វើតេស្តកូវីដទៅលើរដ្ឋមន្រ្តីក្រសួងសុខាភិបាលនិងមន្ត្រីជាន់ខ្ពស់ដទៃទៀតរបស់ក្រសួងកំពុងស្ថិតក្នុងការរង់ចាំ។

គួរបញ្ជាក់ថា ថ្ងៃនេះ រដ្ឋាភិបាលថៃបានរាយការណ៍ពីករណីឆ្លងថ្មីនៃជំងឺកូវីដ១៩ចំនួន១៤៤ ករណីដោយធ្វើឲ្យចំនួនសរុបកើនដល់៦,២៨៥ករណី៕

ប្រែសម្រួលដោយ៖ Vann Vann

ប្រភព៖ Bangkok Post

ចុចអាន៖ ករណីផ្ទុះកូវីដនៅ សាមុត សាខន ពេលនេះរាលដាលដល់ខេត្តចំនួន២២

ចុចអាន៖ ផ្ទុះកូវីដក្នុងវង់ល្បែងនៅខេត្តមួយរបស់ថៃ ឆ្លងមនុស្សរាប់សិននាក់