ព័ត៌មានអន្ដរជាតិ

លោក ពូទីន ថ្កោលទោសទណ្ឌកម្មលោកខាងលិចថាជា “ការរើសអើង”

បានផុស

៣ years មុន

នៅ

ថ្ងៃសៅរ៍ ១០ កញ្ញា ២០២២

ដោយ

ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានរិះគន់ការដាក់ទណ្ឌកម្មរបស់លោកខាងលិចចំពោះការរារាំងការនាំចេញជីរុស្ស៊ីទៅកាន់ទ្វីបអាហ្រ្វិក អាស៊ី និងអាមេរិកឡាទីន ថាជា “ការរើសអើង” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពូទីន បាននិយាយក្នុងកិច្ចប្រជុំសន្តិសុខនៅឯការិយាល័យប្រធានាធិបតីនៅទីក្រុងមូស្គូកាលពីថ្ងៃសុក្រថា ការនាំចេញគ្រាប់ធញ្ញជាតិពីអ៊ុយក្រែនបានចាប់ផ្តើមឡើងវិញ ប៉ុន្តែភាគច្រើនត្រូវបានដឹកជញ្ជូនទៅអឺរ៉ុប ហើយមិនមែនទៅកាន់ប្រទេសក្រីក្រនោះទេ ។

ទន្ទឹមនោះលោក ពូទីន ក៏គ្រោងនឹងជួបសមភាគីតួកគីលោក Recep Tayyip Erdogan នៅសប្តាហ៍ក្រោយផងដែរ ដោយស្នើឲ្យមានការរឹតបន្តឹងការនាំចេញផលិតផលកសិកម្មទៅកាន់អឺរ៉ុប ។

គួរបញ្ជាក់ថា ប្រទេសតួកគីរួមជាមួយនឹងអង្គការសហប្រជាជាតិ (UN) បានចុះកិច្ចព្រមព្រៀងដើម្បីចាប់ផ្តើមនាំចេញគ្រាប់ធញ្ញជាតិរបស់អ៊ុយក្រែនឡើងវិញ បន្ទាប់ពីជាប់គាំង ដោយសារតែសង្គ្រាមលុកលុយរបស់រុស្ស៊ីលើអ៊ុយក្រែនកាលពីថ្ងៃទី២៤ ខែកុម្ភៈ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ លោក Zelensky ប្រកាសដណ្ដើមបានទឹកដីជាង ១ ពាន់គីឡូម៉ែត្រការ៉េបន្ថែមទៀត