ស្តេច Charles ទី៣ ក្លាយជាព្រះមហាក្សត្រថ្មីរបស់ ចក្រភពអង់គ្លេស ជាផ្លូវការ

ស្តេច Charles ទី៣ ត្រូវបានប្រកាសជាផ្លូវការថា ជាព្រះមហាក្សត្ររបស់ចក្រភពអង់គ្លេសនៅថ្ងៃសៅរ៍ទី១០ខែកញ្ញានេះ ក្នុងពិធីជាប្រវត្តិសាស្ត្រមួយនៅឯព្រះបរមរាជវាំង St. James។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះអង្គម្ចាស់ Charles បានក្លាយជាស្តេចដោយស្វ័យប្រវត្តិ នៅពេលព្រះមាតារបស់ទ្រង់គឺមហាក្សត្រិយានី Elizabeth ទី២ យាងសោយទិង្គត់កាលពីថ្ងៃព្រហស្បតិ៍ទី០៨ខែកញ្ញា។

ព្រះរាជពិធីនៅឯរាជវាំង St. James ក្នុងទីក្រុងឡុងដ៍ មានការចូលរួមដោយក្រុមប្រឹក្សាគ្រងរាជសម្បត្តិ ដែលរួមមានទាំងអ្នកនយោបាយជាន់ខ្ពស់ និងក្រុមមន្ត្រីដែលផ្តល់ប្រឹក្សាដល់ព្រះមហាក្សត្រផងដែរ។

ស្តេច Charles ទី៣ ត្រូវបានអមព្រះរាជដំណើរនៅក្នុងពិធីនេះ ដោយអគ្គមហេសីរបស់ទ្រង់គឺព្រះនាង Camilla និងបុត្រាច្បង William ដែលបច្ចុប្បន្ន ក្លាយជាអ្នកស្នងរាជ្យ។

ស្តេច Charles ទី៣ បានគូសបញ្ជាក់សម្រាប់រជ្ជកាលរបស់ទ្រង់ ដោយបានសច្ចានៅក្នុងសុន្ទរកថាតាមទូរទស្សន៍ថា ទ្រង់នឹងបន្តបម្រើពេញមួយជីវិតដូចព្រះមហាក្សត្រិយានី៕

ប្រែសម្រួល៖ Vann Vann

ប្រភព៖ Hindustan Times

ចុចអាន៖ ពិភពលោកកាន់ទុក្ខចំពោះ ការសោយទិវង្គតរបស់មហាក្សត្រិយានី Elizabeth ទី២