ឥណ្ឌូនេស៊ីហាមជនអន្តរជាតិមិនឲ្យចូលរយៈពេល ២ សប្ដាហ៍ដោយសារវីរុសក្លាយពូជថ្មី

រដ្ឋមន្ត្រីការបរទេសឥណ្ឌូនេស៊ីលោកស្រី Retno Marsudi បាននិយាយនៅថ្ងៃចន្ទនេះថា ភ្ញៀវទេសចរអន្តរជាតិនឹងត្រូវបានហាមឃាត់មិនឲ្យចូលប្រទេសឥណ្ឌូនេស៊ីក្នុងរយៈពេល ២ សប្តាហ៍ក្នុងគោលបំណងរារាំងការរីករាលដាលនៃវីរុសកូរ៉ូណាក្លាយពូជប្រភេទថ្មី ។

បទប្បញ្ញត្តិថ្មីដែលមានប្រសិទ្ធិភាពនៅថ្ងៃទី ១ ខែមករា ឆ្នាំ២០២១ កើតឡើងប៉ុន្មានថ្ងៃប៉ុណ្ណោះ បន្ទាប់ពីប្រទេសឥណ្ឌូនេស៊ីបានហាមឃាត់អ្នកធ្វើដំណើរពីប្រទេសអង់គ្លេស និងរឹតបន្តឹងច្បាប់សម្រាប់អ្នកដែលធ្វើដំណើរមកពីអឺរ៉ុប និងអូស្រ្តាលីដើម្បីទប់ស្កាត់ការរីករាលដាលនៃជំងឺក្លាយពូជប្រភេទថ្មីនេះ ។

លោកស្រីបាននិយាយថា កាលពីដើមឆ្នាំនេះប្រទេសឥណ្ឌូនេស៊ីបានហាមឃាត់ភ្ញៀវទេសចរទាំងអស់ ប៉ុន្តែការលើកលែងមួយចំនួនត្រូវបានធ្វើឡើងសម្រាប់អ្នកធ្វើជំនួញ ។ បទប្បញ្ញត្តិថ្មីនេះអនុវត្តចំពោះភ្ញៀវទេសចរបរទេសទាំងអស់លើកលែងតែមន្ត្រីរដ្ឋាភិបាលជាន់ខ្ពស់ប៉ុណ្ណោះ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ WHO ព្រមានអំពីរោគរាតត្បាតផ្សេងទៀតដែលបង្កវិនាសកម្មខ្លាំងជាង កូវីដ

ចុចអាន ៖ ប្រទេសអាស៊ីមួយទៀតរកឃើញវីរុសកូរ៉ូណាក្លាយពូជប្រភេទថ្មី