ព័ត៌មានអន្ដរជាតិ

បាងកក ដាក់ម៉ាស៊ីនបូមទឹកបន្ថែមទៀតដើម្បីរំដោះទឹកចេញពីទីក្រុង

បានផុស

៣ years មុន

នៅ

ថ្ងៃអង្គារ ១៣ កញ្ញា ២០២២

ដោយ

ទីក្រុងបាងកកកំពុងទទួលបានម៉ាស៊ីនបូមទឹកដែលមានសមត្ថភាពខ្ពស់ចំនួន ៦ គ្រឿងបន្ថែមទៀតពីក្រសួងធនធានធម្មជាតិ និងបរិស្ថាន ដើម្បីជួយដល់ម៉ាស៊ីនបូមទឹកដែលមានស្រាប់សម្រាប់ការបង្ហូរទឹកចេញពីរាជធានី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងធនធានធម្មជាតិ និងបរិស្ថានលោក Varawut Silpa-archa បាននិយាយនៅថ្ងៃអង្គារនេះថា ក្រោយពេលដែលអភិបាលក្រុងបាងកកលោក Chadchart Sittipunt បានទូរស័ព្ទទៅលោកកាលពីថ្ងៃចន្ទដើម្បីសុំជំនួយ ក្រសួងក៏បានយល់ព្រមបញ្ជូនម៉ាស៊ីនបូមទឹកចំនួន ៦ គ្រឿងទៅរដ្ឋបាលក្រុងបាងកក (BMA) ។

លោក Varawut បាននិយាយថា ម៉ាស៊ីនបូមចំនួន ៤ នឹងទៅដល់ស្ថានីយ៍បូមទឹក Phra Khanong នៅរសៀលថ្ងៃអង្គារនេះ ហើយត្រូវបានដំឡើងភ្លាមៗដើម្បីបូមទឹកចេញ ។

ចំណែកម៉ាស៊ីនបូមទឹកផ្សេងទៀតកំពុងត្រូវបានដំឡើងនៅក្នុងតំបន់ Srinakharin-Bang Na ហើយត្រូវបានគេរំពឹងថានឹងចាប់ផ្តើមបង្ហូរទឹកនៅថ្ងៃអង្គារ ឬថ្ងៃពុធនេះ ។

ជាចុងក្រោយលោករដ្ឋមន្ត្រីបញ្ជាក់ថា ម៉ាស៊ីនបូមទាំង ៦ គឺមកពីការិយាល័យក្នុងតំបន់ ហើយមានសមត្ថភាពរំដោះទឹកបានក្នុងកម្រិតច្រើន ហើយប្រសិនបើដំណើរការរលូននោះ កម្រិតទឹកជន់លិចនៅតំបន់ជាច្រើននៃទីក្រុងបាងកកនឹងស្រកចុះតាមការចង់បាន ៕