ព័ត៌មានអន្ដរជាតិ

បាងកក ព្រមានសង្កាត់ចំនួន ៧ អាចមានទឹកជំនន់នៅរសៀលនេះ

បានផុស

២ years មុន

នៅ

ថ្ងៃព្រហស្បតិ៍ ១៥ កញ្ញា ២០២២

ដោយ

រដ្ឋបាលក្រុងបាងកក (BMA) បានព្រមានប្រជាពលរដ្ឋរស់នៅក្នុងសង្កាត់ចំនួន ៧ របស់ទីក្រុងបាងកកឲ្យប្រុងប្រយ័ត្នចំពោះទឹកជំនន់ដែលអាចកើតមាន ឬស្ថានភាពទឹកជំនន់កាន់តែអាក្រក់ទៅៗពីភ្លៀងធ្លាក់ខ្លាំងនៅរសៀលថ្ងៃព្រហស្បតិ៍នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សង្កាត់ទាំង ៧ ដែលរដ្ឋបាលក្រុងបាងកកព្រមានឲ្យមានការប្រុងប្រយ័ត្ននោះរួមមាន សង្កាត់ Bang Sue, Chatuchak, Phayathai, Din Daeng, Huay Kwang, Dusit និងសង្កាត់ Phra Nakhon ។

រដ្ឋបាលក្រុងបាងកកបានព្រមានថា សង្កាត់ទាំង ៧ នេះអាចនឹងរងឥទ្ធិពលដោយភ្លៀងធ្លាក់ពីមធ្យមទៅកម្រិតខ្ពស់ ចាប់ពីម៉ោង ៣ រសៀលដល់ម៉ោង ៩ យប់ថ្ងៃព្រហស្បតិ៍នេះ ។

ទន្ទឹមនោះ នាយកដ្ឋានឧតុនិយមបានព្យាករណ៍ថា ភ្លៀងនឹងធ្លាក់ខ្លាំងក្នុងរយៈពេល ២៤ ម៉ោងបន្ទាប់នៅតំបន់ភាគខាងជើង តំបន់កណ្តាល ភាគខាងកើត និងភាគខាងត្បូង រួមទាំងទីក្រុងបាងកក និងតំបន់ជាយក្រុងផងដែរ ។

ជាចុងក្រោយនាយកដ្ឋានក៏បានណែនាំដល់ប្រជាពលរដ្ឋដែលរស់នៅតាមមាត់ប្រឡាយ និងទន្លេ ប្រុងជើងការសម្រាប់ទឹកជំនន់ដែលអាចកើតមានផងដែរ ៕