លោកយាយអាយុ៩០ឆ្នាំត្រូវគេរំលោភបំពានផ្លូវភេទក្នុងមណ្ឌលថែទាំចាស់ជរា

គ្រួសារមួយបានចែករំលែករូបភាពដ៏រន្ធត់របស់ជីដូនម្នាក់បន្ទាប់ពីគាត់ត្រូវបានគេរំលោភបំពានផ្លូវភេទនិងវាយដំដោយមនុស្សម្នាក់ទៀតនៅឯមណ្ឌលថែទាំចាស់ជរាមួយក្នុងទីក្រុង Manchester នៃប្រទេស អង់គ្លេស។

សាច់ញាតិរបស់លោកយាយអាយុ៩០ឆ្នាំម្នាក់បានបញ្ចេញរូបភាពរបស់គាត់ជាលើកដំបូងចាប់តាំងពីរឿងនេះកើតឡើងកាលពីខែវិច្ឆិកាឆ្នាំមុន។

លោកអះអាងថា និវត្តជនម្នាក់ត្រូវបានគេរំលោភផ្លូវភេទពេលកំពុងរស់នៅក្នុងមណ្ឌល។

ពេលនេះ ក្រុមគ្រួសារបានបញ្ចេញរូបភាពដើម្បីលើកកម្ពស់ការយល់ដឹងបន្ទាប់ពីគ្រួសារអ្នកស្រុកម្នាក់ទៀតបានចោទប្រកាន់ថា មណ្ឌលមានការធ្វេសប្រហែសចំពោះជីដូនរបស់ពួកគេ។

រូបភាពគួរឲ្យភ្ញាក់ផ្អើលនេះបានបង្ហាញពីស្ត្រីទន់ខ្សោយម្នាក់មានស្នាមជាំដ៏ធំមួយនៅមុខផ្នែកខាងស្តាំ។ រូបភាពមួយទៀតបង្ហាញដៃដែលពោរពេញទៅដោយស្នាមជាំ។ រូបមួយទៀតបង្ហាញគាត់ដេកនៅលើគ្រែដោយមានស្នាមរយះក្បាលនិងរុំបង់ពណ៌សជុំវិញថ្ងាស។

គាត់និយាយថា គាត់បានសម្រេចចិត្តបញ្ចេញរូបភាពរបស់ជីដូនបន្ទាប់ពីបានឮអំពីឧប្បត្តិហេតុមួយផ្សេងទៀតនៅមណ្ឌលក្នុងឆ្នាំនេះអំឡុងពេលបិទប្រទេសដោយសារវីរុសកូរ៉ូណា៕

ប្រែសម្រួលដោយ៖ Vann Vann

ប្រភព៖ Daily Mail