ព័ត៌មានអន្ដរជាតិ

EU នឹងកាត់បន្ថយការពឹងផ្អែកសម្ភារៈកម្រ និងសំខាន់ៗពី ចិន-រុស្ស៊ី

បានផុស

២ years មុន

នៅ

ថ្ងៃព្រហស្បតិ៍ ១៥ កញ្ញា ២០២២

ដោយ

ប្រធានគណៈកម្មការអឺរ៉ុបលោក Ursula von der Leyen បាននិយាយថា សហភាពអឺរ៉ុប (EU) នឹងធ្វើការកាត់បន្ថយការពឹងផ្អែករបស់ខ្លួនសម្រាប់សម្ភារៈកម្រ និងសំខាន់ៗពីប្រទេសមួយចំនួន ជាពិសេសគឺប្រទេសចិន និងរុស្ស៊ី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសុន្ទរកថាប្រចាំឆ្នាំរបស់រដ្ឋជាសមាជិកនៅសភាអឺរ៉ុបកាលពីថ្ងៃពុធ, លោកស្រី Von der Leyen បានថ្លែងថា លោកស្រីកំពុងស្នើសុំច្បាប់ដើម្បីធ្វើឲ្យមានអ្នកផ្គត់ផ្គង់ច្រើន និងបង្កើតទុនបម្រុងនៃវត្ថុធាតុដើមសំខាន់ៗ ដើម្បីកាត់បន្ថយការពឹងផ្អែករបស់ EU លើប្រទេសចិន និងប្រទេសមួយចំនួនទៀត ។

លោកស្រីក៏បាននិយាយផងដែរថា ពិសេសនោះគឺការពឹងផ្អែកលើឥន្ធនៈហ្វូស៊ីលរបស់រុស្ស៊ី ដោយសារតែមានតម្លៃខ្ពស់ ។ ការលុកលុយរបស់រុស្ស៊ីលើអ៊ុយក្រែន “មិនត្រឹមតែជាសង្គ្រាមដែលរុស្ស៊ី ប្រឆាំងនឹងអ៊ុយក្រែនប៉ុណ្ណោះទេ តែនេះក៏ជាសង្រ្គាមលើថាមពលរបស់យើងផងដែរ ។

ជាចុងក្រោយលោកស្រី Von der Leyen បញ្ជាក់ថា “វាជាសង្រ្គាមសេដ្ឋកិច្ចរបស់យើង ហើយវាក៏ជាសង្រ្គាមលើតម្លៃរបស់យើងផងដែរ ។ រឿងសំខាន់មួយទៀតនោះគឺវាជាសង្គ្រាមលើអនាគតរបស់យើងតែម្ដង” ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ មកដឹងចំនួនប្រទេសនៅទូទាំងពិភពលោកដែលជំពាក់បំណុល ចិន