មនុស្សរាប់លាននាក់ប្រឈម គ្រោះទឹកជំនន់ ដោយសារព្យុះទីហ្វុង Muifa នៅ ចិន (មានវីដេអូ)

មនុស្សរាប់លាននាក់នៅទូទាំងផ្នែកភាគខាងកើតប្រទេសចិន កំពុងប្រឈមមុខនឹងគ្រោះទឹកជំនន់ ភ្លៀងធ្លាក់ខ្លាំង និងរលកខ្ពស់ៗ ខណៈព្យុះទីហ្វុងដ៏មានឥទ្ធិពលបំផុតប្រចាំរដូវ បានវាយប្រហារទីក្រុង សៀងហៃ កាលពីថ្ងៃពុធទី១៤ខែកញ្ញា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយកម្លាំងខ្យល់បក់ជិត ១៦០គីឡូម៉ែត្រក្នុងមួយម៉ោង ព្យុះទីហ្វុងនេះ បានបោកបក់លើឆ្នេរក្បែរប្រជុំកោះ Zhoushan នៅពេលល្ងាច បន្ទាប់ពីអាជ្ញាធរក្នុងខេត្ត Zhejiang ភាគខាងកើតប្រទេសចិន បានបញ្ជាឲ្យកប៉ាល់វិលត្រលប់ទៅកំពង់ផែវិញ បិទសាលារៀន និងជម្លៀសអ្នកទេសចរចេញពីកោះក្បែរនោះ។

មជ្ឈមមណ្ឌលឧតុនិយមចិន បាននិយាយថា ខ្យល់បក់ទំនងជាមានរយៈពេលច្រើនម៉ោង និងមានភ្លៀងធ្លាក់ច្រើនសន្ធឹកសន្ធាប់ ហើយហានិភ័យនៃគ្រោះមហន្តរាយគឺមានកម្រិតខ្ពស់ណាស់។

ភ្លៀងធ្លាក់ខ្លាំង បានឈានដល់កម្រិត ៥០ ទៅ ២០០ មិល្លីម៉ែត្រ ខណៈតំបន់ខ្លះឈានដល់ជាង ៣៥០មិល្លីម៉ែត្រ។

គួរបញ្ជាក់ថា ព្យុះទីហ្វុង Muifa ក៏បានបង្កឲ្យមានការបាក់ដីចំនួន២លើកផងដែរ​ នៅតំបន់ឆ្នេរសមុទ្រភាគខាងកើតដែលមានប្រជាជនរស់នៅយ៉ាងក្រាស់ក្រែល របស់ប្រទេសចិន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNN

ចុចអាន៖ ព្យុះទីហ្វុង Muifa បង្កឲ្យមានការបាក់ដី២លើក នៅភាគខាងកើតប្រទេស ចិន