ព័ត៌មានអន្ដរជាតិ
ហ្វីលីពីនចាក់វ៉ាក់សាំងកូវីដដល់កងទ័ព និងរដ្ឋមន្ត្រី មុនការអនុម័តប្រើប្រាស់
ទាហាន និងរដ្ឋមន្ត្រីខុទ្ទកាល័យមួយចំនួនរបស់ហ្វីលីពីនបានទទួលការចាក់វ៉ាក់សាំងការពារជំងឺកូវីដ ១៩ រួចហើយ បើទោះជាមិនទាន់មានការអនុម័តពីនិយតករក៏ដោយ ខណៈដែលក្រសួងសុខាភិបាលរបស់ប្រទេសនេះនិយាយថាវាមានសារៈសំខាន់ដើម្បីធានាសុវត្ថិភាព ។
ទន្ទឹមនោះលោកប្រធានាធិបតី Rodrigo Duterte បាននិយាយក្នុងអំឡុងកិច្ចប្រជុំតាមកញ្ចក់ទូរទស្សន៍ជាមួយមន្រ្តីសុខាភិបាលកាលពីថ្ងៃសៅរ៍ថា “ទាហានស្ទើរតែទាំងអស់ត្រូវបានចាក់វ៉ាក់សាំងរួចហើយ ។ មនុស្សជាច្រើនដែលមិនត្រូវបានបញ្ជាក់ដែលរស់នៅក្នុងប្រទេសហ្វីលីពីនបានទទួលការចាក់វ៉ាក់សាំងការពារជំងឺកូវីដ ១៩ ដែលបង្កើតឡើងដោយក្រុមហ៊ុនឱសថជាតិចិន Sinopharm រួចហើយ” ។
ស្របពេលជាមួយនេះក្រុមហ៊ុន Sinopharm មិនអាចទាក់ទងសុំការអត្ថាធិប្បាយបានភ្លាមៗនោះទេ ។
បន្ថែមពីនេះរដ្ឋមន្រ្តីក្រសួងមហាផ្ទៃលោក Eduardo Ano បាននិយាយថា សមាជិកគណៈរដ្ឋមន្រ្តីមួយចំនួនបានទទួលការចាក់វ៉ាក់សាំងការពារជំងឺកូវីដ ១៩ រួចហើយ ហើយមេបញ្ជាការកងទ័ពលោកឧត្តមសេនីយ៍ឯក Cirilito Sobejana បាននិយាយថា កងទ័ពមួយចំនួនបានចាក់វ៉ាក់សាំងនេះ ប៉ុន្តែចំនួននេះមិនមានច្រើនទេ ហើយលោកមិនបាននិយាយថាតើវ៉ាក់សាំងក្រុមហ៊ុនអ្វីត្រូវបានគេប្រើប្រាស់នោះទេ ។
នៅក្នុងសេចក្តីថ្លែងការណ៍មួយ ក្រសួងសុខាភិបាលបាននិយាយថា ជំហានដំបូង វ៉ាក់សាំងទាំងអស់ត្រូវតែត្រូវបានវាយតម្លៃដោយអ្នកជំនាញ ហើយមានតែវ៉ាក់សាំងដែលត្រូវបានអនុម័ត និងរកឃើញថាមានសុវត្ថិភាពប៉ុណ្ណោះដែលគួរតែត្រូវបានណែនាំឲ្យប្រើប្រាស់ ។
ប៉ុន្តែលោក Rolando Enrique Domingo ប្រធានរដ្ឋបាលចំណីអាហារ និងឱសថបានឲ្យដឹងថា និយតករហ្វីលីពីនមិនទាន់អនុម័តលើវ៉ាក់សាំងការពារជំងឺកូវីដ ១៩ ណាមួយនៅឡើយទេ ។
ចំណែកលោក Domingo បានព្រមានដល់សាធារណជនថា ការចាក់វ៉ាក់សាំងដែលមិនត្រូវបានអនុញ្ញាតិអាចបណ្ដាលឲ្យពួកគេប្រឈមនឹងគ្រោះថ្នាក់គ្រប់បែបយ៉ាង ។ លោកបានប្រាប់ CNN ហ្វីលីពីនថា ផលប៉ះពាល់អាចកើតមានជាពិសេសប្រសិនបើអ្នកមិនដឹងពីរបៀបដោះស្រាយរឿងទាំងនេះ ។
រហូតមកដល់ពេលនេះមានតែក្រុមហ៊ុនអាមេរិក Pfizer ប៉ុណ្ណោះបានដាក់ពាក្យស្នើសុំការអនុម័តជាបន្ទាន់នូវវ៉ាក់សាំងការពារជំងឺកូវីដ ១៩ របស់ខ្លួននៅក្នុងប្រទេសហ្វីលីពីន ខណៈពេលដែលពាក្យសុំសាកល្បងដំណាក់កាលចុងក្រោយរបស់ក្រុមហ៊ុនចិន Sinovac ក្រុមហ៊ុនរុស្ស៊ី Gamaleya ក្រុមហ៊ុនអាមេរិក Johnson & Johnson និងក្រុមហ៊ុន Clover មិនទាន់ត្រូវបានអនុម័តនៅឡើយទេ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ EU ចោទថា រុស្សុីកំពុងផ្សព្វផ្សាយព័ត៌មានមិនពិតដើម្បីឲ្យវ៉ាក់សាំងរបស់ខ្លួនលក់ដាច់
ចុចអាន ៖ មនុស្ស៨នាក់ត្រូវបញ្ជូនទៅមន្ទីរពេទ្យដោយសារចាក់វ៉ាក់សាំងកូវីដលើសកម្រិតនៅ អាល្លឺម៉ង់
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល