ហាងកាហ្វេជាប់ផ្លូវរថភ្លើងដ៏ល្បី នៅវៀតណាម ត្រូវបញ្ជាឲ្យបិទ ថ្ងៃស្អែកនេះ

សង្កាត់ Hoan Kiem និយាយថា ថ្ងៃទី១៧ខែកញ្ញាស្អែកនេះ ខ្លួននឹងបិទ និងដកហូតអាជ្ញាប័ណ្ណហាងកាហ្វេទាំងអស់ ដែលបន្តលក់តម្រៀបជួរតាមផ្លូវរថភ្លើង ដោយសារបញ្ហាសុវត្ថិភាព។

ចំណុចខ្លះនៅតាមបណ្តោយផ្លូវរថភ្លើង Ha Noi-Dong Dang បានទទួលការពេញនិយមពីសំណាក់ភ្ញៀវទេសចរបរទេស អស់រយៈពេលជាច្រើនឆ្នាំមកហើយ។

យ៉ាងណាក្តី ប្រជាប្រិយភាពរបស់កន្លែងនេះ ក៏បង្កគ្រោះថ្នាក់ដល់សុវត្ថិភាពផងដែរ។ សញ្ញាព្រមានមានជាភាសាវៀតណាម និងអង់គ្លេស ត្រូវបានដំឡើងនៅទីនោះ។

នាង Nguyen Thi Huong ដែលជាអ្នកស្រុក Dien Bien Phu គិតថា នេះជាគំនិតល្អ ហើយស្វាគមន៍ចំពោះវិធានការនេះ ដើម្បីបង្កើនសុវត្ថិភាព។

ទីតាំងដែល​ធ្លាប់តែ​មាន​មនុស្ស​ច្រើនកុះករ ​បានប្រែ​ក្លាយទៅ​ជា​ទី​ស្ងាត់​ជ្រងំ ​បន្ទាប់​ពី​ការ​បញ្ជា​ឲ្យបិទ។

គួរបញ្ជាក់ថា កន្លែងនេះ ត្រូវបានបញ្ជាឲ្យបិទម្តងហើយកាលពីចុងឆ្នាំ២០១៩ ប៉ុន្តែបន្ទាប់ពីវៀតណាម បើកប្រទេសឡើងវិញក្នុងខែមីនាឆ្នាំនេះ ក្រោយបិទព្រំដែនរយៈពេលពីរឆ្នាំ, ហាងកាហ្វេទាំងនោះក៏បើកឡើងវិញផងដែរ ហើយអ្នកទេសចរបរទេសបានសម្រុកទៅផ្លូវរថភ្លើង ជាថ្មីម្តងទៀត៕

ប្រែសម្រួល៖ Vann Vann

ប្រភព៖ Nation 

ចុចអាន៖ កាហ្វេអាចជួយសម្រកទម្ងន់ដោយមិនដឹងខ្លួន តែក៏គួរដឹងរឿង ទាំងនេះ