ព័ត៌មានអន្ដរជាតិ

លោក ស៊ី ជីនពីង ថាត្រូវទប់ស្កាត់ដាច់ខាត “បដិវត្តន៍ពណ៌” ពីកងកម្លាំងខាងក្រៅ

បានផុស

២ years មុន

នៅ

ថ្ងៃសៅរ៍ ១៧ កញ្ញា ២០២២

ដោយ

ប្រធានាធិបតីចិនលោក ស៊ី ជីនពីង បាននិយាយកាលពីថ្ងៃសុក្រថា វាមានសារៈសំខាន់ណាស់ក្នុងការទប់ស្កាត់ការប៉ុនប៉ងណាមួយដោយកងកម្លាំងខាងក្រៅដើម្បីរៀបចំ “បដិវត្តន៍ពណ៌” នៅក្នុងរដ្ឋជាសមាជិកនៃអង្គការសហប្រតិបត្តិការសៀងហៃ (SCO) ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ី បាននិយាយនៅឯកិច្ចប្រជុំកំពូល SCO ក្នុងទីក្រុង Samarkand ថា “យើងគួរតែគាំទ្រកិច្ចខិតខំប្រឹងប្រែងរបស់គ្នាទៅវិញទៅមក ដើម្បីការពារសន្តិសុខ និងផលប្រយោជន៍អភិវឌ្ឍន៍” ។

លោកប្រធានាធិបតីចិនរូបនេះបញ្ជាក់ទៀតថា “វាជារឿងសំខាន់ដើម្បីទប់ស្កាត់ការប៉ុនប៉ងរបស់កងកម្លាំងខាងក្រៅដើម្បីបង្កបដិវត្តន៍ពណ៌ និងរួមគ្នាប្រឆាំងការជ្រៀតជ្រែកក្នុងកិច្ចការរបស់ប្រទេសដទៃក្រោមលេសណាមួយ” ។

គួរបញ្ជាក់ថា កិច្ចប្រជុំកំពូលរបស់អង្គការសហប្រតិបត្តិការសៀងហៃ (SCO) បានប្រព្រឹត្តឡើងកាលពីថ្ងៃទី ១៥ និងថ្ងៃទី ១៦ ខែកញ្ញា ក្នុងទីក្រុង Samarkand នៃប្រទេសអ៊ូសបេគីស្ថាន ខណៈព្រឹត្តិការណ៍នេះមានការចូលរួមពីថ្នាក់ដឹកនាំនៃរដ្ឋសមាជិក SCO, រដ្ឋអ្នកសង្កេតការណ៍ និងភ្ញៀវដែលបានអញ្ជើញផ្សេងទៀតផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik